Masalmo 142:5 - Bhiblia Yo Sawuleka

⁵ Ni dite kwako awe Mkoma, ni txi khani: “Awe ngawe wuthavelo wangu; kambe u thomba yangu ka mafu ya va va hanyako!”

Masalmo 142:5 Referans Kwoze

Masalmo 16:5

Mkoma, awe u txyavelo txangu, digombe di di ni lumbako; wutomi wangu wu manzani kwako.

Sidilo 3:24

Ni womba toneto, ni khani: Mkoma Txizimu i thomba yangu ngu toneto ni veka themba yangu kwakwe.

Masalmo 119:57

Awe Mkoma, ngawe u kuthomba yangu ani ni xambanya kuvekisa mithetho yako.

2 Timoti 4:17

Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.

Masalmo 91:2

Ni na khani: Mkoma Ngene Txizimu txangu, mbuthavelo wangu, mkhokhola wangu, ni na themba kwakwe!

Masalmo 46:1

Txizimu mbuthavelo wathu ni mtamo wathu; ngu txona txi hi vhunako ka timbimo ta kuxaniseka.

Masalmo 27:13

Kambe ani, na themba ngu kutsanisa ti to ni na wona wunene wa Mkoma ditikoni ka va va hanyako.

Johani 16:32

Wonani, ya ta mbimo, ni konkuwa yi hokile, ayi mi no hangalaka, mmwani ni mmwani e teka nzila yakwe, mi txi ni siya ni di nokha; kambe kha ni nga nokha, nguko Tate a ni nani.

Masalmo 73:26

Hambi ngako mmidi wangu wu txi karala, Txizimu ngu txona txi ningako mtamo mbilu yangu; ngu txona i kuthomba yangu yo mbi guma.

Masalmo 56:13

nguko u hanyisile moya wangu ka lifo u hulukisile mikondo yangu ka tiphango, ti to ni txi hanya masoni kwako, Txizimu, liwoningoni ka va va hanyako.

Masalmo 46:11

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu!

Masalmo 46:7

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu.

Masalmo 35:12

Va ni tshumetete wunene ngu wubihi, ni sala ni si nga ni tangu.

Ekleziyaste 4:1

Msana keto, ni to engeta ni wona sotshe sixaniso si si mahekako hahatshi ka ditambo; se ni to wona mirongo ya vale va xaniswako, ni ya vale va pwatako mthaveleli; kambe mtamo wu ti ti ka didhawa da vaxanisi vawe; aniko vona va si nga ni mthaveleli ni wammweyo.