Masalmo 142:4 - Bhiblia Yo Sawuleka

⁴ Ni to tuve txinene kwangu, se ni wona; aniko kha na mana m'thu wo ni ziva; ni pwata ko thavela kona; kha ka maneka ni wammweyo wo khatalela moya wangu!”

Masalmo 142:4 Referans Kwoze

Jeremiya 30:17

Nguko ni na kuthuma, ni txi holisa timbanga tako, kuwomba Mkoma; nguko u wombwa to u m'dhindiriki, Siyoni wu va si mkhataleliko.

Masalmo 88:18

U ni hambanisile ni vangana ni vaakelani vangu; mpangalati wangu ngu txidema dwe.

Masalmo 31:11

Ni m'thu wa kurukwa ngu valala vangu ni va akelani, na nyenywa ngu vale ni zivanako navo. Avale va ni wonako hanzila va ni thava.

Matewu 26:56

Sekoko totshe tiya, ti mahekile kasi kutatiseka Mibhalo ya vaprofeti.” Ngu konaho votshe vagondiswa, va to mleka, ve thava.

Masalmo 88:8

U ni hambanisile ni vangana vangu; u ni mahile wo nyenyeza masoni kwawe. Ni fana ni wo khotelwa asi sikotiko kuhuma.

Masalmo 69:20

Siruko si ni bhandisete mbilu, se ni lwala. Ni lavile wo ni pfela wusiwana, aniko kha na mmana; kha na mana ni wammweyo wo ni tangalisa.

2 Timoti 4:16

Kutiangulelani kwangu ko khata, kuwalo ni wammweyo a nga ni emela, votshe va ni lekile ha mpfhukani. Kambe va nga thuke va txi ningwa mnandu ka mhaka yiya.

1 Samuwele 27:1

Kambe Dhavhidha a to khene mbiluni kwakwe: Dimwani ditshiku ni na dawa ngu Sawule; kha ku nata tshuko kwangu kupinda ku ni huluka ni kuluveta ni tsula ditikoni ka Vafilista; kasiku Sawule a txi leka ku ni xota ka yotshe mihingano ya Israyeli; ngu kumaha keto ni na huluka ka dianza dakwe.

Jeremiya 25:35

Vadyisi va na pwata nzila yo pfodola ngu yona, ni vahombe va mtxhambi kha va na mbi huluka.

Jobe 11:20

Aniko maso a vo biha ma na pfhupela; wuthavelo wa ona wu na mwalala; kuverela kwawe, i nava kuhuma ka muhefemulo.

Masalmo 1:6

Nguko Mkoma wa yi ziva nzila ya valulami, kambe nzila ya vabihi yi yisa kulovani.

Masalmo 140:6

Ani ni ti khani ka Mkoma: “Awe ngawe Txizimu txangu!” Engisa huwa ya kudila kwangu, awe Mkoma!

Masalmo 141:9

Ni vhikele ka milawu yile va nga ni riyela ngu yona; ni ka milawu ya tingoti tatingi ya vamahi va kubiha.

Masalmo 143:4

Se moya wangu wa xomuleka mndani kwangu; ni mbilu yangu ya xaniseka khanani kwangu.

Jeremiya 18:22

Tihuwa ti na pfale tinyumbani kwawe; ka dona ditshiku di u tisako makhokhokho kwawe ngu txidhukisa. Nguko va kete diphala da hombe da kuniwuleta ka dona ni kuriyela milawu mikondoni kwangu.

Jona 2:8

Avale va ti ningetetelako ka ti ti si vhuniko txilo, va leka wumbilu wa Mkoma vapune.