Masalmo 142:3 - Bhiblia Yo Sawuleka

³ “Ngako moya wangu wu txi guma mtamo, awe Mkoma, wa yi ziva nzila yi ni fanelako kuteka yona. Ka nzila yi ni nga txi tsimbila ngu yona, va ni riyete ngu mlawu.

Masalmo 142:3 Referans Kwoze

Masalmo 141:9

Ni vhikele ka milawu yile va nga ni riyela ngu yona; ni ka milawu ya tingoti tatingi ya vamahi va kubiha.

Masalmo 140:5

Vathu va kutiguleta va ni riyete ngu milawu; va ni riyete ngu likoka hanzila; va ni riyete milawu yo tala, va lava ku ni bzweta.

Jeremiya 18:22

Tihuwa ti na pfale tinyumbani kwawe; ka dona ditshiku di u tisako makhokhokho kwawe ngu txidhukisa. Nguko va kete diphala da hombe da kuniwuleta ka dona ni kuriyela milawu mikondoni kwangu.

Masalmo 143:4

Se moya wangu wa xomuleka mndani kwangu; ni mbilu yangu ya xaniseka khanani kwangu.

Masalmo 61:2

Ni di magwito ka mafu, na peka huwa kwako, ngu mbilu yangu yo rereka. Ni veke txitimwi ka dirigwi do lapha ngutu ku ni pinda.

Masalmo 102:4

Mbilu yangu yi wunile nga mwasi wo gangwa, ni txi divala ni kudya sakudya!

Masalmo 77:3

Ngako ni txi alakanya Txizimu, na dila; ngako ni txi pimisela na guma mtamo.

Masalmo 56:6

Va ramba sikungo, va txi ni baramela, va txi wonisisa makando angu, na va txi rinzela mbimo ya ku ni daya. Ina vathu vo bihisa tiya va nga huluka kani?

Masalmo 31:4

Ni thavise ka mlawu wu va nga ni riyela ngu wona, nguko awe u wuthavelo wangu!

Masalmo 22:14

Ni fana ni mati ma thekelako; otshe marambu angu ma nguda-nguda. Mbilu yangu yi fana ni phula, ayi yi nyivilikako mndani kwangu.

Masalmo 1:6

Nguko Mkoma wa yi ziva nzila ya valulami, kambe nzila ya vabihi yi yisa kulovani.

Jobe 23:10

Kambe Txizimu txa ziva nzila yangu; txi na ni dukete, ni na huma kufana ni nzalama.

Matewu 22:15

Sekoko Vafarisi, va di khukhile, va to ya langana, txikungoni, marindi a kuñola Jesu amu ka mapswi akwe.

Masalmo 17:3

U xote mbilu yangu; u ni endete ni wusiku; u ni xolisisile, aniko khwa mana to biha; ni to pimisa ku khani, txisofu txangu kha txi na mbi tsulupeta.

Masalmo 62:9

Kha ditshuri, vathu va hahatshi mbukanganyisi, se vathu va dihanyo do guleka mba makuhu; va txi vekwa votshe ha txikaloni, kha va nemeli kupinda wukanganyisi.

Masalmo 102:1

Mkoma, engisa mkombelo wangu, yi na hoke kwako huwa yangu!

Sidilo 2:19

Wuka, u peka nyandayeyo, u dila kukhatani ka sigava sa mikombelo ya wusiku, tshakunuta sotshe si si ku mbiluni kwako. U txi si humisa kubasani, masoni ka nyamne wa sotshe. Guleta mawoko ako kwakwe, u txi phaxela vanana vako, ava vafako ngu nzala sidingeni ka otshe magondo.