Masalmo 141:5 - Bhiblia Yo Sawuleka

⁵ Ngako m'thu wo lulama a txi ni tsayisa, eto ndinene kwangu; ngako a txi ni kawuka, eto ti fana ni mafura o bhumula, kha ma na mbi khukha ha msungo kwangu; nguko ni na simama ni va khongelela ngu mithumo yawe yo biha.

Masalmo 141:5 Referans Kwoze

Ekleziyaste 7:5

I txhuko kuengisa kukawukwa ngu txhari, kupinda kuengisela ndando ya txiphukuphuku.

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

Vagalatiya 6:1

Vanathu, ngako m'thu a txi maneka a di mahile ta walo, anu mi ku vavanene, m'ziviseni kha kwati, na m'thu ni m'thu a txi ti wonela, kufela kunene asi wi mu kudukwani.

Mavingu 25:12

Awule a gondako ngu kuengisa sileleto, i txhuko kupinda singeda sa nzalama yo hehuka.

Mavingu 19:25

Tsayisa mtseketseli, se awule wa txiphuta a na gonda wutxhari; kawuka txhari, yi na gonda wuzivi.

Mavingu 15:5

Txiphukuphuku txi txhipisa silayelo sa tate wa txona, aniko awule a xayisako kukawukwa, a na hanya kha kwati.

2 Makronika 25:16

Se ku to maheka taku, mbimo yile a nga txi womba-womba nayo, a to mxamula a txi khene: Va kuvekile kuva didhota da mfumeli kani? Malala, u lava kudawelwa txani kani? Sekoko mprofeti a to khukha a txi khene: Na ti wona ti to Txizimu txi navete ku kulovisa ngu mhaka ya timhaka tiya u nga timaha; khwa engisa dipswi dangu.

Mavingu 6:23

Nguko txirumo ndilambu, se mlayo liwoningo, kambe kukawuka ko lulamisa i nzila ya wutomi,

Masalmo 125:4

Mkoma, katekisa vale va mahako ta tinene ni vale va timbilu ta kululama.

Masalmo 51:18

Xayisa Siyoni ngu wunene ni wumbilu wako; aketa maguma a Jerusalema.

Masalmo 23:5

U ni lulamisela m'buso masoni ka valala vangu. U ni totile msungo wangu ngu mafura o bhumula u tata digombe dangu, di thekelela.

Matewu 5:44

Aniko ani ni khani: Randani valala vanu, mi txi khongelela avale va mi xanisako.

Mavingu 15:22

Aha ku kuwalo mlayo, mithumo ya kona kha yi na dibhindu, aniko yi tsaniswa ngu madhota amangi.

Levhi 19:17

U nga vengele wa ka kwanu mbiluni kwako; mkawuke ngako ti txi laveka, u si wi txionhoni ngu mhaka yakwe.

Mavingu 12:1

Awu a randako kukawukwa a randa wuzivi, aniko awule a vengako kulaywa njiphukuphuku.