Masalmo 141:2 - Bhiblia Yo Sawuleka

² Mkombelo wangu wu na fane ni dibaselo di di hiswako masoni kwako ni kuguletwa ka manza angu ku na fane ni mhamba ya minova.

Masalmo 141:2 Referans Kwoze

Mtuletelo 5:8

Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,

1 Timoti 2:8

Ngu toneto, ni lava ti to votshe vathu ve khongela ka otshe makhalo, ve guleta manza o sawuleka, va si nga ni txiviti mwendo mazunga,

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

Dhaniyeli 9:21

ni txi ngadi ni womba-womba mkombeloni, wamwamna Gabriyele, awule ni nga mu wona amu ka txiwoniso txangu do khata, a tota a txi puruma ngu kukuluveta, e ta ni gwesa ngu mbimo ya mphaxo wa minova.

Masalmo 134:2

Gulani manza anu, nyumbani ko sawuleka, mi dhumisa Mkoma!

Masalmo 63:4

ni na ku bonga otshe masiku a kuhanya kwangu; ni na guleta manza angu me komba kwako ngako ni txi khongela.

Masalmo 28:2

Engisa mikombelo yangu, ngako ni txi kudhana, nga ti ni txi guleta manza angu, ni txi ma yisa nyumbani kwako ko sawuleka.

Masalmo 5:3

Ni mixo, Mkoma, engisa dipswi dangu, neti di txi txa ditambo ni veka masoni kwako txikombelo txangu ni txi rinzela xamulo yako.

Ezra 9:4

Sekoko va to ta ni randela, votshe vale va nga ti dhudhumeliswa ngu mapswi a Txizimu txa ka Israyeli, ngu mhaka ya sihoheto sa vale vo wuya ngu wukhumbini; ni to khalahatsha ni txi goo, kala ka mbimo ya miphaxo ya minova.

Eksodha 29:39

U na ningela txihambana tximwetxo ni mixo, ni minova u na ningela tximwani txihambana.

Mithumo 3:1

Pedro ni Johani va to kwela veya Dithepeleni kuya maha mkombelo ngu txikhati txa wuraru txa minova.

1 Vafumeli 18:36

Ku to maheka koko a ti to ku txi ningelwa mningelo wa sakudya, mprofeti Elija a to tshuketa, a txi ta khene: Mkoma, Tixizimu txa Abrahama, txa Isaake ni Israyeli, ti kombekisi nyamsi ti to awe u Txizimu amuwa Israyeli, ni ti taku ani ni txithumi txako, niku ni mahile totshe ti u nga leleta ngu dipswi dako.

Mitengo 16:35

Sekoko Mkoma a to rumela mndilo wuta lovisa vathu va 250, va nga ti hungala ngu kuhisa dibaselo.

Eksodha 35:15

txiluvelo txa dibaselo ni mipakato, ni mtona wa kutota, dibaselo do bhumula, ni m'jiyo wa txike txo wulela ngu txona nyumbani ko sawuleka;