Masalmo 140:7 - Bhiblia Yo Sawuleka

⁷ Awe Mkoma Txizimu, u m'vhikeli wa kuhanyiswa kwangu, awe u tsivete msungo wangu ka ditshiku da kulwa.

Masalmo 140:7 Referans Kwoze

Masalmo 89:26

Ene a na ni dhana, a txi khene: “Awe u tate wangu, u Txizimu txangu, txi txi ni hanyisako ni ku ni vhikela.”

Masalmo 62:7

Kuhanyiswa kwangu ni wudhumo wangu si ka Txizimu; txona m'vhikeli wangu ni wuthavelo wangu.

Masalmo 62:2

Txizimu ngu txona txokha i ku m'vhikeli wangu ni Muhanyisi wangu. Kha ni na mbi dekadekiswa, nguko txona mbuthavelo wangu.

Masalmo 144:10

Awe u ningako vafumeli mtamo wa kuxula, u ponisako txithumi txako Dhavhidha, ka ditxhari di dayako

Masalmo 95:1

Ngonani hi ta dhumisa Mkoma ngu mikulungwani ya litsako; a hi huweleleni m'vhikeli ni muhanyisi wathu.

Masalmo 59:17

Kwako, Txizimu txangu, ni na embelela tindando ta ku kudhumisa, nguko awe u mkhokhola wangu wa hombe, awe u Txizimu txi txi ni randako!

Masalmo 27:1

Mkoma ngene kuwoninga kwangu ni kuhanyisa kwangu. Ni nga thava mani kani? Mkoma i mkhokhola wa kuhanya kwangu. Ni nga dhukiselwa ngu mani kani?

Masalmo 18:35

Mkoma, awe wa ni ninga txitxhavangu txako txa ku ni vhikela, wa ni setela ngu dianza dako da txinene ni wunene wako wu ni ningile kuzumbiseka.

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

2 Samuwele 8:14

Se a to veka vawoneleli kona Edhomi, ka dotshe ditiko da Edhomi a to veka vawoneleli, se votshe va ka Edhomi va to maha sithumi sa Dhavhidha; se Mkoma a to vhunetela Dhavhidha kotshe mu a nga ti ti ya kona.

2 Samuwele 8:6

Se Dhavhidha a to veka vawoneleli kona Siriya ka Dhamasku, Vasiriya va to maha tikhumbi ta Dhavhidha ni ku mluva; Mkoma a to xayisa Dhavhidha kotshe mu a nga ti ti ya kona.

Masalmo 31:15

Wotshe wutomi wangu wu manzani kwako; ni hulukise ka valala vangu va ni hingako!