Masalmo 14:1 - Bhiblia Yo Sawuleka

¹ Mahundwa ma womba timbiluni ka ona, ma txi kha ona: “Kha txi nga ho Txizimu!” Ma onhekile, ma txi maha mithumo yo nyenyeza; kha nga ho ni wammweyo a mahako ta tinene!

Masalmo 14:1 Referans Kwoze

Masalmo 10:4

Kutikulisani kwakwe m'thu wo biha kha khatali ngu Mkoma, a khene: “Txizimu kha txi mahi txilo ngu kuhenya ka txona.” Ene a pimisa tito; Txizimu kha txi nga ho.

Masalmo 53:1

Txiphukuphuku txi ti kha txona ngu mbiluni ka txona: “Kha txi nga ho Txizimu!” Vathu va onhekile, va maha mithumo yo nyenyeza; kha ku nga ho ni wammweyo a mahako ta tinene!

Masalmo 92:6

Mabhemba kha ma yi zivi mhaka yiya siphukuphuku kha si yi pimisi.

Genesisi 6:5

Se Mkoma Txizimu a to wona tito, kubiha ka vathu ka anda ha mafuni, ni ti to mipimiso ya timbilu tawe yi va yisa kubihani yotshe mbimo.

Matewu 12:34

Lixaka la timamba, mi nga sikotisa kutxani kuwomba ditshuri, na mi di vabihi kani? Nguko txisofu txi womba-womba ti ti nga tala mbiluni.

Luka 12:20

Aniko Txizimu txi to mu gela txi txi kha txona: ‘Diphuphuluwe, ka wona wusiku wu, moya wako wu na lawa. Se tithomba ti u nga sengeletela, ti na sala ni mani kani?’

Matewu 15:19

Nguko mbiluni, ngu kona kuhumako mialakanyo yo biha, kudaya, wugelegele, wugango, wukhamba, kusingeta ni kuruketela.

Mavingu 1:7

Kuthava Mkoma, ngona makhato a wuzivi; siphukuphuku sa txhipisa wutxhari ni gondo.

Titosi 3:3

Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.

Vaefesu 2:12

alakanyani tito, ka yile mbimo, mi ti si lumbi Kristu, mi ti si nga ni fanelo ya kubalwa kumweko ni va ka Israyeli, mi ti maneka mi di vamatiko ka situmelelano ni sithembiso sa Txizimu ha mafuni.

Mavingu 27:22

Hambi i diku wo sinza txiphukuphuku ngu dianza da mafaka, nga wu si khukhi wuphukuphuku wa txona.

Mavingu 1:22

Anu siphukuphuku, mi na randa wuphukuphuku wanu kala yihi mbimo kani? Ni nanu vatseketseli, mi na randa kutseketsela kani? Se anu siphukuphuku mi na venga wuzivi kani?

Jobe 22:13

Se u khawe: Txi ziva txani Txizimu ngu tona tiya kani? Ina txi nga dhuka txi lamula amu txidemani kani?

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Titosi 1:16

Va womba ti to va txi ziva Txizimu, aniko va txi lamba ngu mahanyelo awe, nguko va nyenyeza, nzindaka milayo, kha va sikoti kumaha mthumo ni wawumwewo wa wunene.

Isaya 1:4

Dikhombo ka ditiko da vaonhi, vathu votala ngu wubihi, lihunzu la mikhuwo yo biha, vanana vo hundeka! Va lekile Mkoma, ve ruketela Msawuleki wa Israyeli; va tshumelete msana.

Masalmo 107:17

Vamwani va mahile sipumbu ngu mhaka ya sionho sawe, ve xaniseka ngu mhaka ya minandu yawe

Jobe 15:16

Ti mahisa kutxani taku m'thu e ti nyenyezisa ni kuva ni manyala, e sela wubihi ku nga mati kani?

1 Samuwele 25:25

Nyamne wangu, u nga thuke u karateka ngu mhaka ya wamwamna wuwa wo biha, i ku Nabhali, wa mbilu yo nemela, nga tile ditina dakwe di wombako. Ditina dakwe i Nabhali, ni wuphukuphuku wu ni nene, kambe ani txithumi txako kha na va wona vafana va nyamne wangu, avale u nga va rumela.

Mavingu 13:19

Kunavela kule kutatisekako ka tsakisa moya, aniko kuhambana ni wubihi njinyenyeko ka siphukuphuku.

Masalmo 73:3

Ani ni ti bavela ava va kutikulisa, ngu kuwona kuzumbiseka ka vabihi.

Ekleziyaste 7:20

Ngu ditshuri kha ku na m'thu wo lulama txitimwi ka mafu, wo maha ta tinene, asi dhukiko e onha.

Jeremiya 5:12

Va kaneta Mkoma, va txi kha vona: “Hi nga ene! Lambi, kha ku na mbi wa dikhombo txitimwi kwathu; hambi ditxhari mwendo nzala, kha hi na mbi si wona!

Jeremiya 6:28

Vona votshe vatiwuki ni va va ti tsimbako, va tsimbila-tsimbila ve lumbeta; va bangi kufana ni msuku ni txikete; votshe va bihile.