Masalmo 139:3 - Bhiblia Yo Sawuleka

³ Wa ni wona mbimo yi ni tsimbilako ni mbimo yi ni humulako; wa tiziva totshe tinzila tangu.

Masalmo 139:3 Referans Kwoze

Jeremiya 23:24

Ina m'thu a nga sisala ka makhalo a sihunja saku ve ni si mmoni kani? Kuwomba Mkoma. Ina kha ni tati nzuma ni mafu kani? Kuwomba Mkoma.

Jobe 31:4

Ina Txizimu kha txi ti woni tinzila tangu, niku ina kha txi baleli mazambo angu kani?

Ekleziyaste 12:14

Nguko Txizimu txi na yisa mithumo yotshe kulamulwani, ni yotshe yi yi ku kusisalani, mwendo ya yinene, mwendo njo biha.

Masalmo 139:18

Idiku na lava ku ma bala, nga ma txi pinda mafu ngu kutala; idiku no hoka magwito, nga ni si sikoti ku kupima awe.

Isaya 29:15

Dikhombo ka vale va lavako kusisela Mkoma makungo awe! Va maha mithumo yawe txidemani, va txi kha vona: I mani a hi wonako kani? Niku i mani a hi zivako kani?

2 Samuwele 11:27

Se ku di pindile txidilo, Dhavhidha a to rumela vo ya mteka eya nyumbani kwakwe; kambe a to mmaha msikati wakwe, ene e m'velekela mwanana wa mfana. Kambe mhaka yi ya Dhavhidha a nga yi maha yi ti bihile masoni ka Mkoma.

Johani 13:21

Ku ti ngako Jesu a di wombile timhaka tiya, a to pandiseka moyani, e tsanisa a txi khene: “Ngu ditshuri, ngu ditshuri, na mi gela ku khani: Mmweyo wanu a na ni ningela.”

Johani 13:2

Se hagari ka kulalela, ngako Sathani a nga ti wulete mapimoni ka Judha Iskariyoti, mwanana wa Simoni, kufela ku ene e ningela Jesu;

2 Samuwele 8:14

Se a to veka vawoneleli kona Edhomi, ka dotshe ditiko da Edhomi a to veka vawoneleli, se votshe va ka Edhomi va to maha sithumi sa Dhavhidha; se Mkoma a to vhunetela Dhavhidha kotshe mu a nga ti ti ya kona.

Matewu 3:12

Manzani kwakwe a ni txiselo, a na hiyela txithathe txakwe, se a na sengeleta fulaho yakwe txisangalani, aniko makamba a na ma hisa ngu mndilo wo mbi timeka.”

Jobe 23:10

Kambe Txizimu txa ziva nzila yangu; txi na ni dukete, ni na huma kufana ni nzalama.

Masalmo 119:168

Na vekisa sirumo sako ni sileleto sako; awe wa tiziva totshe tinzila tangu!