Masalmo 139:24 - Bhiblia Yo Sawuleka

²⁴ Wona ti to mwendo ni tsimbila ngu nzila yo biha u txi ni tsimbitisa ngu nzila yi ni yisako ka wutomi wo mbi guma.

Masalmo 139:24 Referans Kwoze

Masalmo 143:10

Ni gondise kumaha kuranda kwako; nguko awe ngawe Txizimu txangu. Moya wako wa wunene wu na ni tsimbitise ka nzila yo lulama!

Masalmo 5:8

Ni tsimbitise, Mkoma, ngu nzila yako yo lulama u txi ni vhikela ka valala vangu. Lulamisa masoni kwangu nzila yako.

Masalmo 119:32

Ni na khutalela kuvekisa sirumo sako, nguko atiya ti na ni ninga wuzivi wa hombe.

Masalmo 16:11

U na ni komba nzila ya wutomi; masoni kwako ku tate litsako; ka dianza dako da txinene, ku ni kuzumbiseka ko mbi gwita.

Masalmo 143:8

Ni ninge kupfa wumbilu wako ni mixo, nguko ani ni themba awe. Ni kombe nzila yi ni fanelako kutsimbila ngu yona; nguko ni guleta moya wangu kwako.

Johani 14:6

Jesu a to mu gela a txi khene: “Ani ngani Nzila, Ditshuri ni Wutomi. Kha nga ho awule a tako ka Tata, i si nga ngu ngani.

Mavingu 28:26

Awule a thembako ta mbilu yakwe apune, hi nga wa txilo, kambe wule a tsimbilako ngu kutxhariha, a na huluka.

Matewu 7:14

Nguko txike txi songile, ni nzila ya kona yi khwete, ayi yi yisako wutomini, kambe mbadotho va yi manako.”

Vakolosa 2:6

Ngu toneto, kufana ni ku mi nga amukela Mkoma Kristu Jesu, hanyani mi di txilo tximwetxo nayo;

Masalmo 17:3

U xote mbilu yangu; u ni endete ni wusiku; u ni xolisisile, aniko khwa mana to biha; ni to pimisa ku khani, txisofu txangu kha txi na mbi tsulupeta.

Masalmo 119:1

Va katekile vale va tsimbilako ngu nzila yo lulama, ava va hanyako madingano ni Mlayo wa Mkoma.

Mavingu 15:9

Nzila ya muonhi njinyenyeko ka Mkoma, aniko ene a randa wule a tsimbilako ngu kululama.

Masalmo 27:11

Ni gondise, Mkoma, ati u ti lavako ni ti maha, u ni tsimbitisa ngu nzila yo lulama, nguko valala vangu mbavangi.