Masalmo 139:23 - Bhiblia Yo Sawuleka

²³ Ni xolisise, Txizimu, kasi kuziva mbilu yangu; ni duke kasi kuziva mi alakanyo yangu.

Masalmo 139:23 Referans Kwoze

Masalmo 26:2

Ni xolisise, Mkoma, u txi ni duka; xolisisa minavelo yangu ni mialakanyo yangu.

1 Pedro 1:7

kufela ku lisima la likholo lanu, i ku tximaha txa lisima kupinda nzalama, yi yi nyivilikiswako ngu mndilo, li mana wudhumo ni kupfaliswa, mbimo yi a nota Jesu Kristu, a txi ta ti wonekisa;

Jobe 31:6

(Txizimu txi na ni veke sikaloni ko lulama, se txi na ziva kuthembeka kwangu);

Mavingu 17:3

Nyundo njo xola silivhela, se mndilo mbwo xola nzalama; kambe Mkoma a xola timbilu.

Dhewuteronome 8:2

Alakanya yotshe nzila yi Mkoma, Txizimu txako, a nga maha ti to u txi tsimbila ngu yona, mune wa magumi a malembe, txiwulani, kasi ku kukhozisa ni ku kuduka, ti to e ziva ati ti ku mbiluni kwako, ti to mwendo u na vekisa sirumo sakwe, niku khu na mbi si vekisa.

Masalmo 139:1

Mkoma, awe u ni xolisisile, se awe wa ni ziva.

Jeremiya 11:20

Aniko Mkoma wa Mabutho a Tiyimbi mulamuli wo lulama, awu a xolako titsho ni timbilu. Ni na wona ngako u txi ni tshunda kupharela kwawe, nguko ni kuzivisile mhaka yangu.

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Dhewuteronome 8:16

awule a nga kudyisa manna txiwulani, aale vatate vanu va nga mbi ma ziva, na a txi mahela ku kuxanisa ni ku kuduka, kasi ku a txi ku mahela ta tinene;

Masalmo 11:4

Mkoma a Nyumbani kwakwe ko sawuleka; Mkoma ana ni txikhalo txakwe txa wukoma nzumani, se ngu maso akwe ma wonako ta tinene, wa xayisa vathu kha kwati.

Masalmo 11:5

Mkoma wa duka m'thu wo lulama ni wa kubiha, ene wa nyenya avale va dhundako wurena.

Masalmo 17:3

U xote mbilu yangu; u ni endete ni wusiku; u ni xolisisile, aniko khwa mana to biha; ni to pimisa ku khani, txisofu txangu kha txi na mbi tsulupeta.