Masalmo 137:6 - Bhiblia Yo Sawuleka

⁶ Ngako ni txi kudivala, awe Jerusalema, ngako ni si ku guleti txitimwi ka si ni si tsakelako, lidimi langu li na namara mkanani kwangu.

Masalmo 137:6 Referans Kwoze

Ezekhiyele 3:26

Se ani ni na maha ti to lidimi lako, li txi namara mkanani kwako, u va txiduma, khu na mbi va wamwamna wule wa ku va txharihisa; nguko mba nyumba yo eyisa.

Masalmo 22:15

Mkolo wangu wu omile kufana ni mraka wo hiswa ni lidimi langu li namarete mkanani kwangu. Awe u ni lekile hafuhi ka diphala.

Jobe 29:10

vathangeli va to malala ve pwata ni txo womba, ni tidimi tawe ti namarela mikanani kwawe;

Vafilipiya 1:20

Madingano ni kuxuva ni kuthemba konako, ni pimisa ti to ni na mbi wiswa tingana ni ka kudotho, aniko ngu mhaka ya kotshe kutsana kwangu, konkuwa ni yotshe mbimo, Kristu a na dhumiswa ha mmidi kwangu, mwendo na hanya mwendo na fa.

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Sidilo 4:4

Lidimi li vamamako ngu lona, li namarela ngu ditora; vanana va kombela sakudya, aniko kuwalo wu a va ningako.

Isaya 41:17

Vaxaniseki ni vale vo pwata va lava mati, kambe kha ma ngaho, se tidimi tawe ta oma ngu ditora; aniko ani Mkoma, ni na va engisa, ani Txizimu txa ka Israyeli kha ni na mbi va leka.

Masalmo 84:10

Ndinene ngutu kuzumba ditshiku dimwedo nyumbani kwako, kupinda kuzumba digumi da mazana a masiku hahanze! Ni randa kuzumba ha txikeni ka Nyumba ya Txizimu txangu kupinda kuzumba matendani ka vabihi.

Jobe 31:22

sekoko txiphanga txangu txi na we ngu ha ka dikata, di na funyeke diwoko dangu ngu mu ka dirambu.