Masalmo 137:1 - Bhiblia Yo Sawuleka

¹ Mabambe ka minambo ya Bhabhilona, hi khalahatshile hi dila, ngu kualakanya Siyoni.

Masalmo 137:1 Referans Kwoze

Ezekhiyele 1:1

Se ku to maheka tito, ngu dilembe da wugumi ni mararu, ka mtxima wa wumune, ka ditshiku da wutxhanu ka mtxima, na ani ni di hagari ka tikhumbi, hafuhi ni mnambo wa Kebhari, yi to tuleka nzuma, se ani ni wona siwoniso sa Txizimu.

Ezekhiyele 3:15

Se ni to ta ka vale va wukhumbini, kona Teli-Abhibhe, va nga ti ti zumba hafuhi ni mnambo wa Kebhari, kambe ani ni ti ti zumba kona eho va nga ti zumba kona; se ni zumbile mtxhanu wa masiku ni mambidi, ni xamala, ni txi kayee, hagari kwawe.

Luka 19:41

Ngako a di hafuhi, a to wona didhoropa e di dilela.

Ezekhiyele 1:3

di tile dipswi da Mkoma di ta wombwa ka Ezekiyeli, mwana Bhuzi, mphaxeli, ditikoni ka Vakaldheya, hafuhi ni mnambo wa Kebhari, se koneho dianza da Mkoma, di ti ti txitimwi kwakwe.

Sidilo 3:48

Maso angu ma theketa mirongo ku txi nga mnambo, nguko ku na hoka kuloviswa ka vathu va ka kwathu.

Sidilo 2:18

Guleta dipswi u txi dila ka nyamne wa sotshe! Awe diguma da mwanana wa dihorana wa Siyoni! Mirongo yako yi na khulunge wusiku ni mitshikari nga txinambwana. Maso ako ma nga thuke ma txi humula, u nga leke kudila.

Sidilo 1:16

Se kona kuwa, ni dila ngu totshe ti ti nga ni humelela; maso angu kha ma emi kuhuma mirongo; awule a nga ti fanete ku ni malatela ni ku ni tsanisa a maneka kule ngutu ni nani; vanana vangu va hangalasilwe, nguko mlala a ni xute.

Jeremiya 15:17

Kha na zumba msengeletanoni ka vatseketseli, ni tsaka kona; ngu mhaka ya dianza dako ni zumbile nokha, nguko u ni mahile ni tala ngu txiviti.

Masalmo 42:4

Moya wangu wa dhudhumela, ngako ni txi alakanya, mbimo yi ni nga ti longoloka ni vale va nga ti ya Nyumbani ka Mkoma va txi peka mikulungwani ya kutsaka ni kubonga, ni kugiringa ka vathu va kutsaka.

Nehemiya 2:3

ni txi khani ka mfumeli: Hanya mfumeli kala kupinduka! Na lambela txani kukarateka mbiluni, na kuve didhoropa, wukhalo wa mathitha a vatate vangu, wu khundumusilwe, ni matimba a kona ma hisilwe ngu mndilo kani?

Ezra 8:31

Se hi to khukha mnamboni ka Ahavha, ngu ditshiku da digumi ni mambidi ka mtxima wo khata, hi tsula Jerusalema; dianza da dinene da Txizimu txathu di ti txitimwi kwathu, di hi hulukisa manzani ka valala vathu, ni vale va nga ti hi riyela milawu tinzilani.

Ezra 8:21

Sekoko ni to huwelela kutitona hafuhi ni mnambo wa Ahavha, kasi hi txi ti namisa masoni ka khohe ya Txizimu txathu, hi txi txi kombela nzila ya yinene yathu, ya vanana vathu, ni ya totshe tithomba tathu.

Mtuletelo 11:3

Aniko ni na ninga mtamo ka tifakazi tangu ta timbidi kasiku ti txi profeta, ti di ambate masaka, mndani ka 1.260 wa masiku.”

Dhaniyeli 9:3

Se ni to rendekelisa khohe yangu ka Mkoma Txizimu, kasiku ni txi mlava ngu mikombelo ni mikhongelo, ni ti tona sakudya, ni ambala nguwo ya disaka, ni ku ti theletela dikhuma.

Sidilo 3:51

Maso angu ma xanisa moya wangu, ngu mhaka ya votshe vanana vamahorana va didhoropani kwangu.

Isaya 66:10

Tsakani ngutu ni Jerusalema, mi tsaka ngu ngene, anu motshenu mi mrandako; talani ngu ku mtsakela, anu motshenu mi nga m'dilela.

Jeremiya 8:19

Hi nga pfa dipswi da txidilo da mwanana wa txisikati wa vathu vangu, adi di humako ditikoni ka kule, di txi kha dona: Kasi Mkoma khangaho Siyoni kani? Ina Mkoma wakwe kha nga kwakwe kani? Ngu kutxani va nga vhinjukisa kuhenya kwangu ngu sifananiso sawe, ni sizimu sa vamatiko kani?

Jeremiya 13:4

Teka libhandi li u nga xava, li ku txiwununi kwako, tsula Ewufrate u txi ya li sisa mu ka phako ya dirigwi.

Jeremiya 51:13

O awe u zumbako ka matiko amangi, wa kufuma ngu tithomba! Ma hokile magwito ako, mpimo wa likungo lako.