Masalmo 136:23 - Bhiblia Yo Sawuleka

²³ A nga alakanya kuxaniswa kwathu; nguko lirando lakwe nda kala kupinduka!

Masalmo 136:23 Referans Kwoze

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Luka 1:48

Nguko a woni kutiveka hahatshi ka txithumi txakwe; ngu toneto kukhukhela konkuwa, ni na dhanwa ku ni wo kateka ngu totshe tixaka ta vathu.

Masalmo 142:6

“Engisa kudila kwangu, nguko se ni gumile mtamo; ni hulukise ka vale va ni xanisako, nguko va na ni mtamo kupinda ani.

Masalmo 116:6

Mkoma wa vhikela ava va xuphekako; mbimo yi ni nga ti si nga ni mtamo, ene a ni hulukisile.

Masalmo 113:7

Mkoma wa wusa sisiwana si huma ha lithuluni e thavisa sikulungu ha ditalani,

Dhewuteronome 32:36

Mkoma a na emela vathu vakwe, kambe a na va ni wumbilu ngu sithumi sakwe. Ngako a txi wona ti to mtamo wawe wu ngumile ni ti to kha ka sala m'thu wo sungwa mwendo wo thuseka,

Luka 1:52

A va txhikisile hahatshi ka sikhalo sawe sa wukoma avale va mtamo, a txi guleta ava va kutiveka hahatshi.

Masalmo 102:17

ene a na engisa mkombelo wa txikulungu kha na mbi tsukula mikombelo ya txona.

Genesisi 8:1

Se Txizimu txi to alakanya Nowa ni sotshe sihari sa txitinga ni sotshe sifuyo si a nga ti naso ngalavani; Txizimu txi to maha diphuho di txi futeta txitimwi ka ditiko, se mati ma to khata kuphwa.