Konako, ku to huma dipswi di txi ta ngu ha txikhaloni ka wukoma, di txi: “Dhumisani Txizimu txathu, anu motshenu sithumi sa txona, ni nanu mi txi thavako vavadotho ni vahombe!”
Ene a ningile mtamo ni mfumo ka vathu vakwe, kasiku vasawuleki vakwe va txi m'dhumisa; vona vanana va ka Israyeli, i ku ngamu yakwe a yi randako. Dhumisani Mkoma!
Sekoko Dhavhidha a to khene ka wotshe msengeletano: Konkuwa, dhumisani Mkoma Txizimu txanu. Sekoko wotshe msengeletano wu to dhumisa Mkoma, Txizimu txa vatate vawe; va to khizama masoni ka Mkoma ni masoni ka mfumeli.