Masalmo 135:14 - Bhiblia Yo Sawuleka

¹⁴ Mkoma a na lamula vathu vakwe e pfela wusiwana sithumi sakwe.

Masalmo 135:14 Referans Kwoze

Dhewuteronome 32:36

Mkoma a na emela vathu vakwe, kambe a na va ni wumbilu ngu sithumi sakwe. Ngako a txi wona ti to mtamo wawe wu ngumile ni ti to kha ka sala m'thu wo sungwa mwendo wo thuseka,

Masalmo 50:4

Txi di txitimwi, Txizimu txa ramba nzuma ni mafu, kasi kumaha tifakazi, nguko txi lava kulamula vathu va txona.

Masalmo 7:8

Mkoma, ngawe u lamulako vathu. Ni lamule, Mkoma, madingano ni fanelo yangu ni lamule madingano ni hawa ni ku si nga ni mnandu, awe Nyatxitimwi.

Jona 4:2

Se a to kombela ka Mkoma, a txi khene: Yowe! Mkoma! Ina hi nga tona tiya ni nga womba, ni di ngadi ditikoni kwangu kani? Ngu mhaka yeto, ni ti vhikete, ni tutumela kuya Tarxixi, ngu kuziva taku, u Txizimu txo pfela, ni wumbilu, txo timisela, ni kutala ngu wunene, ni ti taku wa hunduluka ka to biha.

Amosi 7:6

Se Mkoma a to ti laya ka toneto. Hambi tiya ti na mbi ngadi ti maheka: Kuwombile Mkoma Txizimu.

Amosi 7:3

Sekoko Mkoma a to tilaya ka tona. Ti na mbi maheka, kuwomba Mkoma.

1 Makronika 21:15

Mkoma a to rumela ngelozi kuya khundumusa Jerusalema; mbimo yile yona yi nga ti khundumusa Mkoma a to ti wona, se e ti laya ngu wubihi wule; a nje khene ka ngelozi yile yi nga ti ti xasela: Tidingani! Konkuwa, thavisa dianza dako. Se Ngelozi ya Mkoma yi ti ti emile hafuhi ni txizenda txa Orinani, Mujebhusi.

Valamuli 10:16

Se va to thavisa sizimu sa vamatiko hagari kwawe, ve thumela Mkoma; sekoko Mkoma a to pandiseka dihikani kwakwe ngu mhaka ya kuxaniseka ka va ka Israyeli.

Masalmo 90:13

Wuya kwathu, Mkoma! U na henya kala mbimo muni? Telwa ngu wumbilu ngu vathu vako!

Masalmo 96:13

tsakani masoni ka Mkoma, nguko wata nguko a tela ku ta vhuna mafu; a na lamula ditiko ngu kululama, ni vathu ngu ditshuri dakwe.