Masalmo 133:1 - Bhiblia Yo Sawuleka

¹ Eto ti tshambisako tona ni kutsakisa, ngako maxaka ma txi hanya kumweko ngu kupfana!

Masalmo 133:1 Referans Kwoze

1 Pedro 3:8

Ngu kugwitisa, engisanani motshenu; mi randa vananu ngu moya wa wumbilu, ni kutiveka hahatshi.

1 Vakorinto 1:10

Kambe na mi khongotela, vanathu, ngu ditina da Mkoma Wathu Jesu Kristu, ti to motshenu mi fanete kuva ni kupfana kuwomba-wombani kwanu, ni ti to mi zumba mi si nga ni mibhando hagari kwanu; mi fanete kupfanana ngu moya ni mialakanyo ya mbilu.

Johani 13:35

Ngu toneto, va no mi zivisa tona ti taku mi vagondiswa vangu: Ngako mi txi randana.”

Vahebheru 13:1

Yanani masoni ngu kurandana nga vanawe.

Johani 17:21

Votshe va nave mmweyo, nga ku awe, Tata, u ku kwangu, ni nani ni ku kwako, ni vona va nave kwathu, kasiku ditiko di txi kholwa ti to u ni rumile.

Jeremiya 32:39

Ni na vaha mbilu yimweyo ni va gondisa nzila yimweyo ya ku ni thava kala kupinduka; va na kateka vona ni vanana vawe msana kwawe.

Genesisi 13:8

Abramu a to khene ka Loti: “Kha kulaveki ku txi vaho kuphikizana hagari kwangu ni nawe, hagari ka vadyisi vangu ni vako, nguko hi vamwevo.

Genesisi 45:24

Se ngako a di salisanile ni vanawe, vona va to teka nzila, na Josefa a di va gete ku khene: “Mi nga henyisaneni hanzila!”

Isaya 11:6

Se dixolwa di na zumba kumweko ni txinvutana, yingwe yi na otela kumweko ni txihongwana, dirole, ni mwanana wa ngonyamo ni nvunta ya kunona si na hanya kumweko, si dyiswa ngu mfana wam'dotho.

Masalmo 131:1

Mkoma, mbilu yangu kha yi ti kulisi ni maso angu kha ma ti guleti; se kha ni nga ni timbiti ni silo si i ku sa hombe, kha ni naveli asile si ku txitimwi ka mtamo wangu.

Isaya 11:13

A na tovela txiluse txa Efrayime, se valala va ka Judha va na loviswa, Efrayime kha na mbi lusela Judha, ni Judha kha na mbi xanisa Efrayime.

Masalmo 122:1

Ni tsakile mbimo yi va nga kha vona kwangu: “A hi yeni Nyumbani ka Mkoma!”

Isaya 11:9

Kotshe mmangoni kwangu ko sawuleka, kha ku na mbi va ni kubiha hambi kuonhwa txilo, nguko mafu ma na tala ngu kuziva Mkoma kufana ni mati awa ma fenegetako linene.

Masalmo 124:1

Idiku Mkoma a ti sa ema ni nathu, Israyeli a na wombe.

Marku 3:25

Mwaya ni wona, ngako wu txi ti abanisa ngu hagari, ewo mwaya kha wu na kutsana.