Masalmo 132:2 - Bhiblia Yo Sawuleka

² Alakanya sixambanyo sakwe, sithembiso si a nga si maha ka Txizimu txa mtamo, txa Jakobe, a txi khene:

Masalmo 132:2 Referans Kwoze

Genesisi 49:24

Aniko wulaho wakwe wu zumbile wu di tsani, ni misiha ya mawoko akwe yi tsanisilwe, ngu manza a Ndena ya Jakobe (eho i ku M'dyisi ni Dirigwi da Israyeli.)

Masalmo 65:1

Awe Txizimu, u ni fanelo ya kudhumiswa kona Siyoni ni ti to vathu ve tatisa sixambanyo si va nga ku mahela.

Isaya 60:16

Kambe u na mama masi a matiko, se u na ti dyisa tikhanani ka vafumeli; u na tiziva ti to ani ngani Mkoma, Muhanyisi wako, Mtiruli wako, ni nyamitamo wa va ka Jakobe.

Isaya 49:26

Se vaxanisi vako ni na va dyisa nyama yawe vapune, va na leviswa ngu mnoha wawe vapune, ku nga vhinya, se nyama yotshe yi na tiziva tito, ani ngani Mkoma, Muhanyisi wako, mtiruli wako, Nyamitamo wa Jakobe.

Masalmo 132:5

kala kuza ni txi lavela Mkoma wukhalo, nyumba yo zumbela ka wona Txizimu txa mtamo txa Jakobe.”

Masalmo 119:106

Ni xambanyile ni tsanisa: Ti to ni na vekisa mithetho yako yo lulama.

Masalmo 56:12

Sithembiso si ni nga ku mahela, awe Txizimu, ni lava ku si tatisa ngu kubonga,

Masalmo 50:1

Txizimu txa mtamo wotshe, Mkoma a wombile; a rambile vaaki va ha mafuni kukhukhela wutxani kala mswa-ditambo.

Masalmo 46:11

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu!

2 Samuwele 7:1

Se ku to maheka tito, ngako mfumeli Dhavhidha a di zumbile nyumbani kwakwe, Mkoma a to mninga kuhumula ka votshe valala vakwe ngu madhawa otshe,

2 Samuwele 7:2

mfumeli a to khene ka mprofeti Nathani: Wona, ani ni zumba ka nyumba yo akwa ngu tiphande ta mikedhari, kambe dibhokiso da Txizimu di zumba mndani ka mijiyo.

1 Makronika 28:2

Se mfumeli Dhavhidha a to khukha a txi ema, a txi khene: Ni engiseni vanathu, anu vathu vangu: Ni ti ni makungo mbiluni kwangu o aka nyumba yo humula ka yona dibhokiso da txitumelelano txa Mkoma, ni ya txikhigetelo txa mikondo ya Txizimu txathu, se ani ni ti ti lulamisete kuaka.