Masalmo 131:1 - Bhiblia Yo Sawuleka

¹ Mkoma, mbilu yangu kha yi ti kulisi ni maso angu kha ma ti guleti; se kha ni nga ni timbiti ni silo si i ku sa hombe, kha ni naveli asile si ku txitimwi ka mtamo wangu.

Masalmo 131:1 Referans Kwoze

Varoma 12:16

Zumbani ngu kuengisana; mi nga naveleni sa kuguleka; kambe sengelani ni va va ti vekako hahatshi; mi nga laveni ku ti maha titxhari mialakanyoni kwanu.

Masalmo 139:6

Wuzivi wo nga eto, kwangu wa xamalisa ngutu; wuzivi wo guleka ngutu, kha ni sikoti kuyipfisisa ngu mapimo angu.

Jobe 42:3

U khawe i mani wule, a sisako mlayo asi na wuzivi kani? Ngu mhaka yeto, ni wombile ti ni nga si ti pimi; ati i ngadi to xamalisa ngutu, aniko ani ni nga si ti zivi, ati i ngadi to xamalisa ngutu kwangu, kambe ani ni si sikoti kutipima.

Jeremiya 45:5

U ti lavela wuhombe kani? U nga wu lave, nguko ni na tisa dikhombo ka yotshe nyama, kuwomba Mkoma; ni na ningela wutomi wako wu txi xakelwa, ka otshe makhalo u no ya ka ona.

Masalmo 101:5

Awu a lengako ni kusingeta mmwani m'thu, ni na mfuvisa ngu nyahele; kha ni na mbi timisela wa kutiguleta ni kutikukumukisa!

Masalmo 124:1

Idiku Mkoma a ti sa ema ni nathu, Israyeli a na wombe.

Masalmo 122:1

Ni tsakile mbimo yi va nga kha vona kwangu: “A hi yeni Nyumbani ka Mkoma!”

Mitengo 12:3

Se Masoni ka Mkoma kuwonekile ti to Mosi i ti m'thu wo dikha ngutu kupinda votshe vathu ha mafuni.

Matewu 11:29

Tekani mpakato wangu, mi txi gonda ngu ngani, ani ni ku wo thutha ni wa mbilu ya kutiveka hahatshi, mi na mana kuhumula mihefemuloni kwanu.

Masalmo 133:1

Eto ti tshambisako tona ni kutsakisa, ngako maxaka ma txi hanya kumweko ngu kupfana!

1 Samuwele 18:23

Se sithumi sa Sawule si to gela Dhavhidha otshe mapswi awa. Sekoko Dhavhidha a to khene: Ina yi maneka i di mhaka ya yidhoto kwanu kuva mwane wa mfumeli, aku ani ni ku txisiwana txo eyiseka, kani?

1 Samuwele 16:22

Sekoko Sawule a to rumela vathu veya gela Jese ku khene: Leka Dhavhidha e zumba ni nani, nguko a mani dikato masoni kwangu.

1 Samuwele 16:18

Sekoko mmweyo ka majaha a to xamula a txi khene: Wona taku na tolovela kuwona mmweyo ka vanana va Jese, wa Bhetlehema, a zivako kuveta, kambe i ndena, wo tshambisela, m'thu wo ziva kulwa, wa mapswi o pfala, wa txiemo txa txinene; Mkoma a ni nene.

1 Samuwele 16:13

Sekoko Samuwele a to teka litxheho la mafura, e mu tota hagari ka vanawe; se kukhukhela ka donedo ditshiku ni kuya masoni, Moya wa Mkoma wu to wulela ka Dhavhidha. Sekoko Samuwele a to khukha e tshumela e tsula Rama.

Dhewuteronome 17:20

Ngu toneto, kha na mbi ti hambukisa masoni kwakwe eya txinene mwendo txibhabha; kasi kuengetela masiku a mfumo wakwe, ene ni vanana vakwe, hagari ka va ka Israyeli.”

Varoma 11:33

Oh! Kutshima ka kufuma ni wuzivi ni wutxhari wa Txizimu! Kulamula ka txona kha ku ziwi ngu m'thu, hambi tinzila ta txona ni tona kha ti ziwi ngu m'thu.

Mithumo 20:19

Ni thumete Mkoma ngu kutiveka hahatshi ni kudila mirongo ni siduko si si nga ni humelela, si txi wuswa ngu mazunga a Vajudha.

Jeremiya 17:16

Ani kha na lamba kuve m'dyisi wu kambe i ku didhota, kha na verela ditshiku da dikhombo; awe wa tiziva. Ati ti nga huma ngu txisofuni kwangu, ti wombilwe masoni kwako.

1 Samuwele 17:15

Kambe Dhavhidha a ti tiya ka Sawule, a txi tshumela e wuya Bhetlehema ku ta dyisa tinvuta ta tate wakwe.

1 Vatesalonika 2:10

Anu mi tifakazi tathu, ni Txizimu ni txona, ka ti to mahanyelo athu ni nanu mi kholwako i ti mahanyelo o sawuleka, o lulama, ni o mbina txisolo.

2 Samuwele 6:22

Se ni na kumba, ni ti veka hahatshi ngutu kupinda tile; ka sithumi sa txisikati si u si wombako, ni na dhumiswa ngu sona.

Mavingu 21:4

Kuwona ko tikulisa, ni mbilu yo ti guleta, njionho txa wo biha.