Masalmo 130:4 - Bhiblia Yo Sawuleka

⁴ Aniko awe wa ziva kudivalela, kasiku athu hiva ni txithavo.

Masalmo 130:4 Referans Kwoze

Isaya 55:7

M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka Mkoma, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.

Dhaniyeli 9:9

Wumbilu ni kudivalela si lumba Mkoma, Txizimu txathu; nguko hi mueyisile, hi m'wukete.

Masalmo 86:5

Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

Vakolosa 1:14

awu ngu kota yakwe hi nga mana kutirulwa ni kudivalelwa sionho.

2 Vakorinto 5:19

Eto tikomba ti Txizimu txi mahisako tona kasi kutshanganisa ditiko kumweko natxo ngu Kristu, na txi si na mhaka ngu minandu ya vathu; se txi hi ningile mthumo wuwa wa kutshanganisa vathu kumweko natxo.

Isaya 1:18

Sekoko ngonani, hi ta wombawombisana, kuwomba Mkoma: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,

Varoma 8:1

Sekonakuwa kha ku nga ngadi ho kuabaniswa ka vale va ku ka Kristu Jesu.

Hoseya 3:5

Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.

2 Timoti 2:19

Hambi keto, makhato o tsana ma nga vekwa ngu Txizimu ma ngadi zumbisekile, ma nyathetwe txitambu txa dipswi diya di ku: “Mkoma wa va ziva ava va mlumbako.” Ni tiya kambe taku: “Wuhi ni wuhi a fakazako ngu ditina da Mkoma a na hambane ni wubihi.”

Mithumo 9:31

Hambi keto, Dibanza di ti ni kuthutha ka dotshe ditiko da Judheya ni da Galileya ni da Samariya, di txi kula, di txi hanya ngu kuxonipha Mkoma, di txi anda ngu kuvhunetelwa ngu Moya wo Sawuleka.

Jeremiya 31:34

Kha ku na mbi maneka wo gondisa mwakelani, hambi mmwani ka mwanawe, ku khene: Zivani Mkoma; nguko votshe va na ni ziva, kukhukhela ka wam'dotho wawe kala ka wa hombe, kuwomba Mkoma; nguko ni na divalela wubihi wawe, kha ni na mbiswa ni txi alakanya sionho sawe.

Masalmo 25:11

Mkoma, sionho sangu nza hombe ngutu, ni divalele kasi kudhumisa ditina dako.

2 Samuwele 12:13

Sekoko Dhavhidha a to khene ka Nathani: Ni onhile ka Mkoma. Se a to khene Nathani ka Dhavhidha: Mkoma nene a thavisile txionho txako; khu na mbi fa.

Jobe 22:23

Se ngako u txi tshumelela ka wu wa Mtamo-wotshe, u na akwa; tsulisa kule wubihi wu wu ku ditendani kwako.