Masalmo 13:5 - Bhiblia Yo Sawuleka

⁵ Ani ni themba wumbilu wako; mbilu yangu yi tsakela kuhanyisa kwako.

Masalmo 13:5 Referans Kwoze

Judha 1:21

ti veketeni lirandoni ka Txizimu, mi txi veka kuthemba kwanu ka wumbilu wa Mkoma Wathu Jesu Kristu, kasi ku mi na mana wutomi wo mbi guma.

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Habhakuki 3:18

Hambi keto, ani na tsaka ka Mkoma; ni na guleta Txizimu txa kuhanyiswa kwangu.

Masalmo 52:8

Kambe ani, ni fana ni mkhure wo nyuka amu m'tini ka Txizimu; ni themba wumbilu wa Txizimu yotshe mbimo.

Masalmo 9:14

kasi ni na sikota kuembelela wudhumo wako ni di Siyoni ni txi tsaka ngu kuwa u nga ni hulukisa.

Masalmo 119:81

Moya wangu wa navela ngutu kuhanyiswa ngu ngawe; nguko ani ni themba dipswi dako!

Masalmo 36:7

La xamalisa ngutu lirando lako, awe Txizimu! Hahatshi ka mabhapi ako, athu hi tipfa hi di kusisalani.

Masalmo 33:18

Mkoma ngene a xayisako ava va mthavako, avale va thembako wunene wakwe,

Masalmo 32:10

Timhaka tatingi ta xanisa vathu vo biha, aniko lirando la Mkoma, li ranganyeta avale va mthembako.

Luka 1:47

ni moya wangu wu tsakela Txizimu, Muhanyisi wangu,

Masalmo 147:11

Mkoma a dhunda avale va m'thavako, avale va thembako lirando lakwe.

Masalmo 51:12

Ni wuyisele litsako la kuhanyisa kwako; u txi ni tsanisa ngu moya wako wa mtamo.

1 Samuwele 2:1

Sekoko Ana a to kombela, a txi khene: Mbilu yangu yi tsakela Mkoma, ni mtamo wangu u guletilwe ka Mkoma; Txisofu txangu txi asamile txitimwi ka valala vangu, nguko na tsaka kuhanyisani kwako.

Luka 2:20

Ti di mahile eto, va to tshumela vadyisi, na va txi dhumisa ni kubonga Txizimu, ngu totshe ti va nga ti wona ni ku tiengisa, nga ti va nga ti gelisilwe tona.

Masalmo 25:2

Txizimu txangu, ni themba awe, u nga ni leke ni txi wiswa tingana. Hambi valala vangu va nga thuke va txi ni seka!

Masalmo 38:17

Konkuwa ni hafuhi ni kuwa; kuxaniseka kha ku ni leki, otshe masiku.