Masalmo 129:1 - Bhiblia Yo Sawuleka

¹ Sikhati sasingi va ni xanisile kukhukhela ka wuphya wangu a na wombe konkuwa Israyeli.

Masalmo 129:1 Referans Kwoze

Masalmo 124:1

Idiku Mkoma a ti sa ema ni nathu, Israyeli a na wombe.

Hoseya 11:1

Mbimo yile Israyeli i nga ti ti mfana, ani ni mrandile; se ni dhani mwanana wangu e huma ngu Egipta.

Jeremiya 2:2

Tsula, kwangula tinzeveni ka Jerusalema, u txi khawe: Mkoma a khene: “Na alakanya wunene wa wuphya wako, Ni lirando lako mbimo yi u nga wutwa ngu yona; mbimo yile u nga ti ni londetela txiwulani, Ka ditiko di ku nga sa phaywa txilo

Isaya 47:12

Zumba ni sixamaliso sako, ni mtalo wa wuloyi, wule u nga thuma ka wona kukhukhela wuphyani wako, mwendo u nga thuka u mana kuhumelela, ni ti to mwendo u nga dhuka u mana kutsana.

Masalmo 127:1

Ngako Mkoma asi aki nyumba, vo thuma walo ava va yi akako. Ngako Mkoma asi woneleli didhoropa, vo pileka walo ava va di wonelelako.

Masalmo 126:1

Mbimo yi Mkoma a nga wuyisa vanana va Siyoni, ngu kupayulwani i ti ku nga ho lora.

Masalmo 122:1

Ni tsakile mbimo yi va nga kha vona kwangu: “A hi yeni Nyumbani ka Mkoma!”

Masalmo 120:1

Kuxanisekani kwangu, ni pekile huwa ka Mkoma, se ene a ni engisile.

Masalmo 125:1

Avale va thembako Mkoma va na nga mmango wa Siyoni, wu si dekadekiko, wu tsani kala kupinduka.

Valamuli 2:15

Ni hani mu va nga txi humela kona, dianza da Mkoma di ti va wukela ngu wubihi, nga ti Mkoma a nga ti ti wombile, ni ti Mkoma a nga ti xambanyile; se va ti ti kuxuphekani ka hombe.

Eksodha 1:22

Sekoko Faro a to layela ka votshe vathu vakwe, a txi khene: “Votshe vanana vavafana va no velekwa va dumwateni mnamboni ka Nilo, aniko, vanana vamahorana va lekeni ve hanya.”

Ezekhiyele 23:3

Va to maha wugango Egipta; va mahile wugango i di ngadi vavaphya; va khutaretwe tikhana tawe, titshumbu ta wumbiri wawe ti kamaretetwe.

Sidilo 1:3

Judha a tsute wukhumbini, ngu mhaka ya kupandiseka, ni kukula ka wukhumbi wawe; a zumba hagari ka matiko, kha humuli; votshe vatovelisi vakwe va mkhakhetile ha kupandisekani kwakwe.

Jeremiya 22:21

Ni wombawombile ni nawe ti txi ngadi ti kuhumela kwati, Aniko u txi khawe: “Kha ni na mbi engisa.” Ngu ona mahanyelo ako kukhukhela wananani, aku, khu na mbi pfa dipswi dangu.

Masalmo 123:1

Ni gula maso angu ni txi wonetela awe, awe Mkoma, u zumbako nzumani.

Masalmo 121:1

Na guleta maso ni wonetela mimangoni: Ku nata ngu hani kulamulelwa kwangu kani?

Masalmo 88:15

Kukhukhela ha wananani kwangu ni hanya ngu kuxaniseka ni kupandiseka; ni txi timisela sikarato so thisa sa kuhenya kwako.

Valamuli 3:8

Sekoko kuhenya ka Mkoma ku to wukela Israyeli, aniko ene a to va xavisa ngu dianza da Kuzani-Rezatayimi, mfumeli wa Mesopotamiya; se vanana va ka Israyeli va to thumela Kuzani-Rezatayimi, mndani ka mtxhanu wa malembe ni mararu.

Hoseya 2:15

“Ni na mninga mivhinya yakwe koneyo, ni mkova wa Akori, si maha txike txa kuthemba; se koneyo a na embelela kufana ni masiku a wuhorana wakwe, ni ku nga ditshiku dile a nga huma ngu ditikoni ka Egipta.”

1 Samuwele 13:19

Ku si nga ni mtshuli ni wammweyo ka dotshe ditiko da ka Israyeli, nguko Vafilista va ti ti wombile ku kha vona: Vahebheru va nga tshuli ditxhari mwendo lingove.

Masalmo 128:1

A katekile awule a thavako Mkoma awu a londetako tinzila takwe.

Eksodha 1:11

Se Vaegipta va to veka vahombe va tihunzu, ti to ve xupha Vaisrayeli, ngu mithumo ya txibhalo. Va to akela Faro madhoropa a Pitomi, ni Ramusesi, amu ku nga ti ni ko veketela kona silo sakwe.