Masalmo 128:5 - Bhiblia Yo Sawuleka

⁵ Mkoma a na ku katekise, a di mmangoni ka Siyoni! U txi wona kukateka ka Jerusalema, ka otshe masiku a kuhanya kwako.

Masalmo 128:5 Referans Kwoze

Masalmo 134:3

Mkoma a na ku katekise a di Siyoni. Ene a nga maha nzuma ni mafu!

Masalmo 20:2

Txizimu txi na ku rumele txivhuno txi di Nyumbani ka txona, txi kuxayisa txi di Siyoni.

Masalmo 118:26

A na dhumiswe awu a tako ngu ditina da Mkoma! Athu ha kudhumisa hi di Nyumbani ka Mkoma!

Isaya 33:20

Wona Siyoni, didhoropa da mibuso yathu ya lisima, maso ako ma na wona Jerusalema, dizumbo da kudikha, ditenda di di na kwa mbi thaviswa, adi tiphande ta dona ti a kwa mbi dulwa, ni tighoti ta dona kha ti na mbi bhenuka.

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Isaya 2:3

Se matiko amangi ma na rambana, ma txi kha ona: Ngonani, a hi kweleleni mmangoni ka Mkoma, Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma, ngu Jerusalema.

Masalmo 122:6

Kombelelani kudikha ka Jerusalema. Va na humelela vale va randako kudikha.

Masalmo 135:21

A na bongwe Mkoma kukhukhela Siyoni, awu a zumbako Jerusalema! Dhumisani Mkoma.

Masalmo 20:3

Txizimu txi na khumbule yotshe miningelo yako txi na amukele mhamba yako yo hiswa.