Masalmo 128:2 - Bhiblia Yo Sawuleka

² U na dya mihando ya manza ako, u na kateka, se totshe tako ti na tsimbila kwati.

Masalmo 128:2 Referans Kwoze

Isaya 3:10

Gelani va vo lulama ti to va katekile, nguko va na dya mihando ya mithumo yawe.

Isaya 62:8

Mkoma a xambanyile ngu dianza dakwe da txinene, ni diwoko dakwe da mtamo, a txi khene: Kha ni na mbiswa kambe ni ningela fulaho yako ka valala vako, hambi va mamwani matiko kha va na mbi sela vhinya yako, yile u nga ti thumela.

Dhewuteronome 28:4

Wu na katekiswa muhando wa mndani kwako, ni muhando wa thembweni kwako, ni muhando wa sifuyo sako, i ku marole a tihomu tako, ni sinvutana sa tinvuta tako.

Dhewuteronome 28:11

Mkoma a na andisa sihiwa sa mihando ya mndani kwako, ni sa mihando ya thembweni kwako, ka ditiko di Mkoma a nga xambanya ka vatate vako ti to va na kuthava.

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.

Ekleziyaste 8:12

Hambi ku ngako muonhi a txi maha kubiha dizana da sikhati, ni masiku akwe me tala, ani na tiziva ngu ditshuri ti to avale va thavako Txizimu, va na kateka, nguko kuva ve thava masoni ka Txizimu.

Vaefesu 6:3

kasiku u na kateka u txi hanya mbimo yo lapha ha mafuni.

Jeremiya 22:15

Ina u na fuma ngu ku u ti ningelako mthumoni ka makedhari kani? Tate wako a dyite ni kusela. Aniko a to lamula ngu mlayo ni fanelo, a to humelela ngu mhaka ya toneto.

Isaya 65:13

Ngu kumaha keto, Mkoma Txizimu a womba tiya: Wonani taku sithumi sangu si na dya, aniko anu mi na fa ngu nzala; wonani taku sithumi sangu si na sela, aniko anu mi na pfa ditora, wonani taku sithumi sangu si na tsaka, aniko anu mi na wa tingana;

Dhewuteronome 28:51

Wona wu na dya marole a sifuyo sako, ni mihando ya mafu ako, hambi mtona, hambi marole a tihomu tako, ni sinvutana sa tinvuta tako, kala kuza u txi lova.

Dhewuteronome 28:39

U na dima u txi phaya mivhinya, u txi yi sakulela, aniko khu na mbi sela vhinya ya kona, hambi kuhapha mauvha a kona, nguko mpungu wu na ma pukutela.

Genesisi 3:19

“U na dya sakudya ngu mnyuko wa khohe yako, kala u txi tshumelela mafuni ahale u nga thaviswa kona; nguko awe u lithulu kambe u na tshumela u txi maha lithulu.”

Masalmo 109:11

Vatxenekisi vakwe va na mtekele sotshe si a ku naso, kasi kudiha minandu; vanyamthuvo va na hande asi a nga thuma ngu manza akwe.

Dhewuteronome 28:8

Mkoma a na ruma ti to makatekwa ma txi simama kwako, amu sizendani kwako ni ka yotshe mithumo ya manza ako; kambe a na kukatekisa ka ditiko dile a no kuninga.

Masalmo 1:3

A fana ni mndonga wu wu nga phawa mabambe ka lidhonga la mati, awu wu ningako mihando ya wona ngu mbimo ya kona, awu mazokoro a wona ma si wuniko totshe ti a ti mahako ta bhindula.