Masalmo 127:3 - Bhiblia Yo Sawuleka

³ Vanana i thomba ya kuningwa ngu Mkoma Txizimu, liveleko i kateko ya ditshuri.

Masalmo 127:3 Referans Kwoze

Dhewuteronome 28:4

Wu na katekiswa muhando wa mndani kwako, ni muhando wa thembweni kwako, ni muhando wa sifuyo sako, i ku marole a tihomu tako, ni sinvutana sa tinvuta tako.

1 Samuwele 1:27

Ani ni ti kombela mfana wuwa; se Mkoma a xamute mkombelo wangu wule ni nga wu maha.

Isaya 8:18

Ngani wuwa, ni vanana va Mkoma a nga ni ninga, kuva sikombiso, ni sixamaliso, kona Israyeli, ngu didhawa da Mkoma wa Mabutho a Tiyimbi, awu a zumbako mmangoni ka Siyoni.

Genesisi 48:4

txi txi ni gela tiya: Ani ni na maha ti to u txi anda, ngu ngawe ani ni na tumbulukisa tihunzu ta tingi ta vathu, ditiko diya ni na di ningela ka liveleko lako, di txi va thomba ya lona kala kupinduka.

Genesisi 33:5

Mbimo yi Esawu a nga gula maso a txi wona vavasikati ni vanana, a to wotisa, a txi khene: “Mbamani vava u ku navo kani?” Jakobe a xamute, a txi khene: “Mbanana vangu, avava Txizimu txi nga ni ninga ani txithumi txako.”

Genesisi 1:28

Se Txizimu txi to va katekisa, txi va gela ku kha txona: “Velekelani, mi txi anda, mi tala ha mafuni, mi txi ma fuma; fumelani sihaka sa linene, ni sinyana sa nzuma, ni sotshe sihari si si tsimbilako ha mafuni.”

Genesisi 24:60

Va to katekisa Rebheka, va txi kha vona kwakwe: “Awe ndiyathu veleka magumi a mazana a magumi a mazana, liveleko lako li na xule valala va lona.”

1 Makronika 28:5

Se ka votshe vanana vangu (nguko Mkoma a ni ningile vanana votala), ene a sawute mwanana wangu Solomoni, kuva e khalahatsha ka txikhalo txa mfumo wa Mkoma, txitimwi ka va ka Israyeli.

Isaya 13:18

Va na fula mazambi ngu malaho awe, hambi vanana va va ku mndani, kha va na mbi pfelwa wusiwana, maso awe kha ma na mbi felela vanana.

Genesisi 4:1

Se wamwamna a to ziva Evha, msikati wakwe. Ene a to mana txirumbu e veleka Kayini; sekoko a to khene: “Ni mani mwanana wa mfana, ngu kuvhuna ka Mkoma.”

Dhewuteronome 28:11

Mkoma a na andisa sihiwa sa mihando ya mndani kwako, ni sa mihando ya thembweni kwako, ka ditiko di Mkoma a nga xambanya ka vatate vako ti to va na kuthava.

Valamuli 12:9

Ene a ti ti ni magumi mararu a vanana va vafana; aniko e lowotisa magumi mararu a vanana vamahorana; kambe e lowota magumi mararu a vanana mahorana, ka vanana vakwe va vafana; se a to lamula Israyeli amu ka mtxhanu wa malembe ni mambidi.

2 Samuwele 3:5

wa wutxhanu ni mmweyo i Itreyamu, wa Egila msikati wa Dhavhidha; avava ngu vona va nga m'velekela vanana Dhavhidha kona Hebroni.

1 Makronika 8:40

Se vanana va Ulami i ti vavamna va tindena, va mtamo, vafuli va wulaho; va to veleka vanana votala, se vatukulu vawe i ti 150 wa vona; votshe vava i ti vanana va ka Bhenjamini.

Jobe 1:2

A velekile mtxhanu wa vafana ni vambidi, ni mahorana mararu.