Masalmo 127:1 - Bhiblia Yo Sawuleka

¹ Ngako Mkoma asi aki nyumba, vo thuma walo ava va yi akako. Ngako Mkoma asi woneleli didhoropa, vo pileka walo ava va di wonelelako.

Masalmo 127:1 Referans Kwoze

Mavingu 16:9

M'thu a londisa nzila ya mbilu yakwe, kambe matsimbilelo a kona a kombwa ngu Mkoma.

1 Vakorinto 3:7

Ngu konaho, hambi wu a phayako, hambi wu a theletelako mati hi nga txilo. Txizimu ngu txona txi si kulisako.

Masalmo 124:1

Idiku Mkoma a ti sa ema ni nathu, Israyeli a na wombe.

Isaya 62:6

O Jerusalema! Ni vekile vawoneleli txitimwi ka maguma ako, ava va no mbi malala wusiku ni mitshikari; o anu mi khumbukako Mkoma, mi nga thukeni mi malala,

1 Makronika 28:10

Wona koko konkuwa, Mkoma a kusawute kuva u aka nyumba yo sawuleka; tsana u maha mthumo.

Jeremiya 51:12

Gwimbani m'jeke txitimwi ka diguma da Bhabhilona, tsanisani wuwoneleli, vekani vaemeli, ti longiseleni wotshe wurena; nguko Mkoma a xuvile kambe a mahile tile a nga nga ti womba xungetano ngu vaaki va Bhabhilona.

1 Makronika 28:20

Se Dhavhidha a to khene ka mwanakwe Solomoni: Tsana, u nga kanakane, maha mthumo; u nga thave, hambi kudhudhumela, nguko Mkoma Txizimu, Txizimu txangu, a na va ni nawe; kha na mbi ku leka, hambi ku ku divala, kala kuza u heta wotshe mthumo wo aka Nyumba ya Mkoma.

1 Vakorinto 15:14

Se ngako Kristu a sa wuka ka vafi, kugondisa kwathu nga mahala, likholo lanu ni lona nda mahala.

Masalmo 121:1

Na guleta maso ni wonetela mimangoni: Ku nata ngu hani kulamulelwa kwangu kani?

Masalmo 123:1

Ni gula maso angu ni txi wonetela awe, awe Mkoma, u zumbako nzumani.

Masalmo 120:1

Kuxanisekani kwangu, ni pekile huwa ka Mkoma, se ene a ni engisile.

Masalmo 125:1

Avale va thembako Mkoma va na nga mmango wa Siyoni, wu si dekadekiko, wu tsani kala kupinduka.

Masalmo 78:69

A akile nyumba yakwe ya kukhozela, yo guleka nga nzuma a txi yi tsanisa kala kupinduka kufana ni mafu.

Isaya 56:10

Votshe vawoneleli vakwe va mabhofu, kha va zivi txilo; votshe ndimbwa ta siduma, kha va sikoti kuwukula; mba wukohe, va zumba va di otete, kambe va randa kukhudhahela.

Ekleziyaste 9:11

Se ni to tshumela ni wona hahatshi ka ditambo tito, kututuma hi nga ka wa livilo, hambi kuxula hi nga ka tindena, ni ka kudotho sakudya kha si lumbi va vo txhariha, ni thomba kha yi lumbi va vavanene, ni kudhundeka hi nga ka va mapimo, kambe mbimo ni kukateka si lumba votshe.

Masalmo 126:1

Mbimo yi Mkoma a nga wuyisa vanana va Siyoni, ngu kupayulwani i ti ku nga ho lora.

Masalmo 122:1

Ni tsakile mbimo yi va nga kha vona kwangu: “A hi yeni Nyumbani ka Mkoma!”

Isaya 27:3

Ani Mkoma, na verela, se ka mbimo ni mbimo ni na theletela mati, kasi ku ni wammweyo asi onheteli, wusiku ni mitshikari ni yi xayisa.

1 Makronika 29:19

Se ka Solomoni, mwanana wangu, mninge mbilu yo hetiseka, yo vekisisa sileleto sako, ni mithetho yako, ni milayo yako; yo maha totshe, ni kuaka nyumba yiya ya wukoma, yi ni nga yi lulamisela.

Vagalatiya 4:11

Na thava ti to na nda va ni di timisete mikaralo ngu nganu mahala.

Ndando ya Tindando 5:7

Ni to manwa ngu vawoneleli, vale va nga tihorolokela didhoropani, va to ni peka, ve ni dayisa, vawoneleti va diguma va to ni tekela dibhaji dangu.

Ndando ya Tindando 3:3

Va to ni mana vawoneleli, vale va nga ti horolokela didhoropa; ni to va wotisa ni txi khani: Ina mi woni awule muhefemulo wangu wu mrandako kani?

Jeremiya 51:31

Mtumi wu na tutumelana ni wumwani, ni muwombi wa dipswi a na manana ni mmwani, kasi kuya zivisa ka mfumeli wa Bhabhilona ti to didhoropa dakwe di tekilwe dotshe.

Masalmo 72:1

Txizimu, ninga mfumeli wa ditiko kululama kwako ni wunene wako ka mwanana wa mfumeli,

Dhewuteronome 8:18

Alakanya Mkoma, Txizimu txako, nguko ngene a ku ningako mtamo wa kumana thomba, na a txi mahela kutsanisa txitumelelano txi a nga xambanya ka vatate vako, nga ti nyamsi u ti wonako.

Joxuwa 2:2

Sekoko ku to rumelwa dipswi ka mfumeli wa Jeriko, daku kha vona: “Wona taku wusiku wuwa, ahawa ku bwakile vavamna vokari va ka Israyeli, ku ta xola ditiko.”

1 Vafumeli 5:12

Sekoko Mkoma a to ninga Solomoni wuzivi nga ti a nga ti thembisile; ku to maneka kuthutha hagari ka Hiramu ni Solomoni, ngu wumbidi wawe va to sunga txitumelelano.