Masalmo 126:5 - Bhiblia Yo Sawuleka

⁵ Avale va phayako va txi dila mirongo va na elula ngu kutsaka.

Masalmo 126:5 Referans Kwoze

Vagalatiya 6:9

Hi nga rerekeni kuthuma ta tinene, nguko ngu mbimo ya kona, hi na elula, ngako hi txi timisela.

Isaya 35:10

Se ava va nga tirulwa va Mkoma, va na tshumela veya Siyoni ngu kutsaka; kambe kutsaka ko mbi gwita ku nava txitimwi ka misungo yawe; va na mana mathomo ni litsako, kambe kupandiseka kwawe ni miketo si na tutuma.

Joyeli 2:23

Se anu vanana va Siyoni tsakani ngutu, mi tsaka ka Mkoma, Txizimu txanu, nguko ene a na mi ninga m'gondisi wa wululamo, kambe a na txhikisa mati a nzuma, mati a kukhata ka mtxima, ni o gwitisa.

Matewu 5:4

Va katekile ava va dilako, nguko va na thavelelwa!

Masalmo 137:1

Mabambe ka minambo ya Bhabhilona, hi khalahatshile hi dila, ngu kualakanya Siyoni.

Joyeli 2:17

Va na dile vaphaxeli, va thumelako Mkoma, hagari ka m'hubhe ni txiluvelo, va ne kha vona: Tsetsa vathu vako, awe Mkoma, kambe u nga ningele thomba yako tinganani, kasi ku matiko ma txi yi xakela: Nguko kutxani va no kha vona ka vathu: Txi hayi Txizimu txawe, kani?