Masalmo 126:4 - Bhiblia Yo Sawuleka

⁴ Mkoma, hindula wukhumbi wathu wu txi maha litsako, kufana ni mati a nzuma ma nonisako txiwula txa Negebhe.

Masalmo 126:4 Referans Kwoze

Masalmo 85:4

Hi wuyise kwako, Txizimu, muhanyisi wathu; u txi leka ku hi henyela!

Hoseya 1:11

Se vanana va ka Judha ni vanana va ka Israyeli votshe va na sengeletana, ve ti emisela mthangeli mmweyo dwe, ve huma ditikoni; nguko di na va da hombe ditshiku da Jezireyeli.

Isaya 43:19

Wonani taku ni na maha mhaka ya yiphya, se konkuwa ti huma hakubasani; ina kha mi na mbi tiziva kani? Wonani taku ni na dola nzila txiwulani, ni minambo ligwangwani.

Isaya 41:18

Ni na tula minambo ka makhalo o guleka ni sisima hagari ka mikova; txiwula txi na hunduka txi maha maziva a mati, ni mafu a kuoma ma na humisa sisima sa mati.

Isaya 35:6

Sekoko silima si na ndaka-ndaka kufana ni timbavala, se tidimi ta siduma ti na embelela, nguko mati ma na pfukula txiwulani, ni sinambwana ligwangwani.

Masalmo 126:1

Mbimo yi Mkoma a nga wuyisa vanana va Siyoni, ngu kupayulwani i ti ku nga ho lora.

Joxuwa 3:16

ma to ema mati ale ma nga txi relela ngu txitimwi; me maha mmumbu, kule ngutu ni didhoropa da Adhani, di ku ngu didhawa ka Saretani; se ale ma nga ti ti relela ma txi ya Mikovani ka linene, i ku Linene la Mnyu, ma to wika, ma txi ema otshe; sekoko vathu va to txhatuka ngu masoni ka Jeriko.

Jeremiya 29:14

Ni na manwa ngu nganu, kuwomba Mkoma, ni na tshumeta va va nga ñolwa, ni na mi sengeleta ngu ka otshe matiko, ni ka otshe madhawa, awa ni nga mi hangalasa ka ona, kuwomba Mkoma; ni na tshumela ni txi mi wuyisa ka wukhalo wu ni nga mi tutumisa ka wona, mi txi ya wukhumbini.

Jeremiya 30:3

Nguko ma ngadi ma txi ta masiku, kuwomba Mkoma, ayo ni no tshumeta ngu ona ava vo sungwa, i ku Israyeli ni Judha, kuwomba Mkoma. Ni na va wuyisa ditikoni mu ni nga ha vakokwani vawe, va na di fumela.