Masalmo 126:2 - Bhiblia Yo Sawuleka

² Txisofu txathu txi to tala ngu maseko! Tidimi tathu ti thula tindando ta kutsaka; vamatiko va ti ti xamala va txi kha vona: “Mkoma a va mahete sidiwukiso sa hombe!”

Masalmo 126:2 Referans Kwoze

Jobe 8:21

kala kuza mkanani kwako kutala ngu maseko, ni txisofu txako txi tala ngu kudhumisa.

Isaya 35:10

Se ava va nga tirulwa va Mkoma, va na tshumela veya Siyoni ngu kutsaka; kambe kutsaka ko mbi gwita ku nava txitimwi ka misungo yawe; va na mana mathomo ni litsako, kambe kupandiseka kwawe ni miketo si na tutuma.

Masalmo 71:19

Kuthembeka kwako, Txizimu, nga hombe ngutu kufana ni nzuma; u mahile simaha sa hombe. I mani a fananako ni nawe kani?

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

Masalmo 53:6

Oh, idiku kuhanyiswa ka Israyeli ko ta ngu Siyoni! Ngako Txizimu txi txi wuyisa vathu va txona ngu wukhumbini, liveleko la Jakobe li na tsaka, vathu va ka Israyeli va na nengela.

Nehemiya 6:16

Se ku to maheka tito, va di ti pfite valala vathu votshe, ni votshe vamatiko, vale va nga ti hi ranganyetile, va to dhuka, ve godhola ngutu masoni kwawe; nguko va ti zivile ti to Txizimu txathu ngu txona txi nga maha mthumo wuwa.

Varoma 11:15

Nguko akuwa kutshuralelwa kwawe ngu Txizimu ku nga hinduka ku txi maha kuhuluka ka ditiko, ina kutshumela kwawe ve wuya kuhundulukani kha ti na mbi fana ni kuwuka ka vakufa kani?

Masalmo 51:14

Awe Txizimu, ngawe u ni hanyisako! Ni hulukise ka lifo ni na huwelela ngu tindando ti to u lulamile.

Masalmo 14:7

O! I mani a no wuyisa ngu Siyoni, kuhanyiswa ka Israyeli! Mbimo yi Mkoma a no katekisa ngamu yakwe, vanana va Jakobe va na giya, ani va ka Israyeli va na tsaka.

Ezra 3:11

Se va txi wuyelela kuembelela, va txi kulisa ni kudhumisa Mkoma, nguko mnene; “nguko wumbilu wakwe mbwa yotshe mbimo ka Israyeli!” Se votshe vathu va to kwangula ngu kutsaka ka hombe, mbimo yile va nga dhumisa Mkoma, ngu kukhatwa ka Nyumba ya Mkoma.

Mitengo 23:23

Nguko kha wu ngaho wurindi wo wukela Jakobe. Hambi wuñanga wo dingana kuwukela Israyeli. Yata mbimo yi ku no wombwa ngu Jakobe ni Israyeli ngu txikhati txa kona. Njitxani txi nga mbi mahwa ngu Txizimu!

Isaya 51:11

Ngu kumaha keto, va na wuya vale va nga tirulwa ngu Mkoma, kambe va na tshumelela Siyoni ngu kutsaka ka hombe, ni kutsaka ka kwa mbi gwita ku nava txitimwi ka misungo yawe; va na mana kuzumbiseka ni litsako, kupandiseka ni kuketa si na tutuma.

Jeremiya 31:7

Nguko Mkoma a khene: Embelelani ngu litsako ka Jakobe, giringani ngu mhaka ya wu i ku mfumeli wa matiko; embelelani tindando, mi txi khanu: Mkoma, hanyisa vathu vako, i ku misalelwa ya Israyeli.

Ezekhiyele 36:36

Sekoko matiko ale ma no sala ngu madhawani kwanu, ma na tiziva taku, ni wusile madhoropa o khundumuselwa, ni kuphaya mule ku nga ti xasetwe; ani Mkoma ni wombile, kambe ni na ti maha.