Masalmo 125:1 - Bhiblia Yo Sawuleka

¹ Avale va thembako Mkoma va na nga mmango wa Siyoni, wu si dekadekiko, wu tsani kala kupinduka.

Masalmo 125:1 Referans Kwoze

Masalmo 62:2

Txizimu ngu txona txokha i ku m'vhikeli wangu ni Muhanyisi wangu. Kha ni na mbi dekadekiswa, nguko txona mbuthavelo wangu.

Zakariya 1:17

Kwangula kambe u txi khawe: A womba tiya Mkoma wa Mabutho a Tiyimbi: Madhoropa angu ma na engeta me anda ni kuhumelela; nguko Mkoma a ngadi a txi na thavelela Siyoni, kambe a ngadi a txi na sawula Jerusalema.

Masalmo 34:22

Mkoma wa tirula wutomi wa vale va mthumelako; avale va mthembako kha va na mbi tsayiswa.

Masalmo 25:2

Txizimu txangu, ni themba awe, u nga ni leke ni txi wiswa tingana. Hambi valala vangu va nga thuke va txi ni seka!

Masalmo 120:1

Kuxanisekani kwangu, ni pekile huwa ka Mkoma, se ene a ni engisile.

1 Makronika 5:20

Se va to vhunetelwa ku va lwisa, se va ka Hagari, kumweko ni votshe va va nga ti ti navo, va to ningelwa manzani kwawe; nguko va dite ka Txizimu mbimo yile va nga ti ti lwa, se Txizimu txi va engisa, nguko va ti ni kuthemba ka txona.

Masalmo 121:1

Na guleta maso ni wonetela mimangoni: Ku nata ngu hani kulamulelwa kwangu kani?

Masalmo 62:6

Txizimu ngu txona dwe i ku dirigwi dangu ni m'hanyisi wangu; ngu txona i ku m'vhikeli wangu; kha ni na mbi dekadekiswa.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Masalmo 122:1

Ni tsakile mbimo yi va nga kha vona kwangu: “A hi yeni Nyumbani ka Mkoma!”

Mika 4:2

Se matiko amangi ma na ya ma txi ya kha ona: Ngonani, a hi kweleni mmangoni ka Mkoma, ni Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma ngu Jerusalema.

Isaya 51:16

Ani na veka mapswi angu txisofuni kwako, ni kufenengeta ngu mtsudi wa dianza dangu, kasi kuvanga nzuma, ni kukhata mafu, ni kugela Siyoni kukhani: Anu mi vathu vangu.

Masalmo 123:1

Ni gula maso angu ni txi wonetela awe, awe Mkoma, u zumbako nzumani.

Masalmo 27:1

Mkoma ngene kuwoninga kwangu ni kuhanyisa kwangu. Ni nga thava mani kani? Mkoma i mkhokhola wa kuhanya kwangu. Ni nga dhukiselwa ngu mani kani?

Mtuletelo 14:1

Se ni to wona tiya: Txinvutana txi ti emile txitimwi ka mmango wa Siyoni, kumweko ni 144.000 wa vathu, avava va nga ti bhatwe ha mbanza ditina da Txinvutana, ni da Tate wa txona.

Zakariya 1:14

Se ngelozi yile yi nga ti ti womba-womba ni nani, yi to ni gela tiya: Kwangula u txi khawe: Mkoma wa Mabutho a Tiyimbi a womba tiya: Ngu kuhiseka ka hombe, na hiseka ngu Jerusalema ni Siyoni.

Obhadhiya 1:21

Se ku na wuka vahanyisi mmangoni ka Siyoni, ku ta thethisa va mmangoni ka Esawu; se wukoma wu na va wa Mkoma.

Masalmo 25:8

Mkoma mbwa mnene kambe a lulamile; ngu kumaha keto wa gondisa vaonhi kutsimbila ngu tinzila ta tinene

1 Pedro 1:21

Ngu mhaka yakwe, ma kholwa ka Txizimu, atxi i ku txona txi nga mu wusa ka vafi, txi mninga wudhumo, kasi ku likholo lanu ni kuverela kwanu, mi si veka ka Txizimu.

Isaya 52:1

Wuka, wuka, ambala mtamo wako, awe Siyoni; ambala syambalo sako so tshura ngutu, awe Jerusalema, didhoropa do sawuleka; nguko kwako kha ku na mbi thuka ku txi wulela awu a nga mbi ya wukwerani, hambi wa kwa mbi basa.

Isaya 51:8

Nguko sumba yi na va sakata nga syambalo, kambe va na dyiwa ngu timbungu kufana ni matoya; aniko kululama kwangu ku na zumba kala kupinduka, ni kuhanyisa kwangu ka liveleko ni liveleko.

Isaya 14:32

Ku na xamulwa txani koko ka mitumi ya vathu kani? Va na kha vona: Mkoma a akile makhato a Siyoni, kasi ku vathu vakwe, vale va xanisekako ve mana wuthavelo.

Masalmo 147:11

Mkoma a dhunda avale va m'thavako, avale va thembako lirando lakwe.

Masalmo 124:1

Idiku Mkoma a ti sa ema ni nathu, Israyeli a na wombe.

Masalmo 46:5

Txizimu txi hagari ka dona, vathu va dona kha va na kurereka; Txizimu txi na vindukela ku va vhuna ni mixo.

Isaya 51:11

Ngu kumaha keto, va na wuya vale va nga tirulwa ngu Mkoma, kambe va na tshumelela Siyoni ngu kutsaka ka hombe, ni kutsaka ka kwa mbi gwita ku nava txitimwi ka misungo yawe; va na mana kuzumbiseka ni litsako, kupandiseka ni kuketa si na tutuma.

2 Makronika 20:20

Se magwanani ka kona, va to wuka ni mixo veya txiwulani ka Tekowa; Mbimo yi va nga ti ti tsula, Josafati a to va ngela ku khene: Ni engiseni anu va ka Judha, ni nanu vazumbi va Jerusalema: Thembani Mkoma Txizimu txanu kasi ku mi na tsana; thembani vaprofeti vakwe mi na xula.

Masalmo 20:8

Vona va humbwa va txi wa hahatshi, aniko, athu hi tseramile hi di tsani.

Masalmo 46:6

Matiko ma ngungurukela, mifumo ya gingiseka. Kambe Txizimu txi womba dipswi, mafu ma so bhandekela.

Masalmo 62:3

Mi na gwita mbimo muni kuwukela m'thu kasi ku m'daya, ene wu a fanako ni diseta di di lavako kuwa mwendo ku nga diguma da marumbini kani?

Masalmo 62:7

Kuhanyiswa kwangu ni wudhumo wangu si ka Txizimu; txona m'vhikeli wangu ni wuthavelo wangu.

Mavingu 10:25

Wo biha a pinda kufana ni txihuhuri, aniko mlulami a ni kutsana ko mbi gwita.

Isaya 26:3

Awe u na xayisa ngu kudikha awule mapimo akwe ma nga tsana kwako; nguko ene wa kuthemba.

Isaya 26:4

Thembani Mkoma ngu ha ku si gwitiko, nguko Mkoma Txizimu, dirigwi da yotshe mbimo.