Masalmo 122:4 - Bhiblia Yo Sawuleka

⁴ Eyo ti kwelako tiya kona tihunzu, tona tihunzu ta Mkoma, ve fakazela mlayo wa Israyeli, kasi kuya dhumisa ditina da Mkoma.

Masalmo 122:4 Referans Kwoze

Dhewuteronome 16:16

Sikhati siraru ngu dilembe votshe vavamna va fanete kuya ti kombekisa masoni ka Mkoma, Txizimu txako, ka wukhalo wule ene a nga wu sawula: Ka M'buso wa Mapawu o mbi Tshumbelwa, ni ka M'buso wa Mavhiki ni ka M'buso wa Matenda; kambe a nga ti kombekise masoni ka Mkoma a sa ñola txilo;

Masalmo 132:13

Ngu toneto, Mkoma a sawute mmango wa Siyoni, na a txi xuva ku wu maha nyumba yakwe, a txi khene:

Eksodha 23:17

Sikhati siraru ngu dilembe, votshe vavamna va na woneka masoni ka Mkoma.

Masalmo 118:19

Tulelani matimba a Nyumba ya Txizimu, ni lavako kuwulela ni dhumisa Mkoma!

Masalmo 78:68

A to sawula lihunzu la ka Judha ni mmango wa Siyoni, awu a wu randako.

Dhewuteronome 12:11

Sekoko ku nava ni wukhalo wule a no wu sawula Mkoma, Txizimu txanu, kasi ku ditina dakwe di zumba kona; mi na tisa koneho sotshe si ni mi leletako: Miningelo yanu yo hiswa, ni miphaxo yanu, ni sa wugumi sanu, ni mningelo wo ndiwitelwa wa manzani kwanu, ni sotshe si mi nova mi di xambanyile ka Mkoma.

Dhewuteronome 12:5

aniko mi na ya khozela Mkoma, Txizimu txanu, ka wukhalo wule a no wu sawula hagari ka totshe tihunzu tanu, kasi kuveka kona ditina dakwe, ni kuva a txi zumba kona; se mi na va koneho.

Eksodha 32:15

Se Mosi a to wuya a txi relela ngu mmangoni a di ni sileti sa simbidi sa milayo amu manzani kwakwe, sileti si si nga bhalwa ka madhawa otshe a mambidi: Si ti bhatwe ka dimwani didhawa ni ka dimwani didhawa.

Eksodha 16:34

Nga ti Mkoma a nga leletisa tona ka Mosi, Aroni a to veka txikadyana masoni ka dibhokiso da txixambanyo, ti to txi txi veketwa.

Masalmo 81:6

“Ni humutile makata ako kurwala mrwalo wa kunemela; ni humutile manza ako kurwala masaka.

Masalmo 100:4

Wulelani dithepeleni kwakwe mi txi bonga; wulelani siluveloni kwakwe, na mi txi embelela; mu dhumiseni mi bonga ditina dakwe!