Masalmo 121:8 - Bhiblia Yo Sawuleka

⁸ Mkoma a na kuvhikela u txi wulela ni kuhumani kwako, kukhukhela konkuwa kala kupinduka.

Masalmo 121:8 Referans Kwoze

Dhewuteronome 28:6

U na katekiswa mbimo yi u wulelako, u katekiswa ni mbimo yile u humako.

Mavingu 2:8

kasi ku e veketa ditshuri ni wulamuli, ni kuxayisa nzila ya vasawuleki vakwe.

Mavingu 3:6

Alakanya ene ka totshe tinzila tako, se ene a na lulamisa tinzila tako.

Masalmo 113:2

Ditina da Mkoma, di na dhumiswe kona kuwa, ni yotshe mbimo.

Ezra 8:31

Se hi to khukha mnamboni ka Ahavha, ngu ditshiku da digumi ni mambidi ka mtxima wo khata, hi tsula Jerusalema; dianza da dinene da Txizimu txathu di ti txitimwi kwathu, di hi hulukisa manzani ka valala vathu, ni vale va nga ti hi riyela milawu tinzilani.

Masalmo 115:18

Aniko athu, hi hanyako, hi na dhumisa Mkoma, kukhukhela konkuwa kala kupinduka. Dhumisani Mkoma!

Ezra 8:21

Sekoko ni to huwelela kutitona hafuhi ni mnambo wa Ahavha, kasi hi txi ti namisa masoni ka khohe ya Txizimu txathu, hi txi txi kombela nzila ya yinene yathu, ya vanana vathu, ni ya totshe tithomba tathu.

2 Samuwele 5:2

Hambi ni kale, Sawule a txi fuma txitimwi kwathu, ngawe u nga ti ti huma ni kuwulela ni Israyeli; kambe Mkoma a ti khene kwako: Awe u na dyisa vathu vangu va ka Israyeli, ni ti to awe u na va mthangeli txitimwi ka Israyeli.

Dhewuteronome 28:19

U na va ni dikhombo kuwulelani kwako, kambe u na va ni dikhombo kuhumani kwako.

Masalmo 125:2

Kufana ni mimango yi randelako Jerusalema, ngu toneto Mkoma a randete vathu vakwe, konkuwa ni yotshe mbimo.

Masalmo 131:3

Israyeli, veka txithembo txako ka Mkoma, kukhukhela konkuwa kala kupinduka.