Masalmo 120:5 - Bhiblia Yo Sawuleka

⁵ Dikhombo dangu ani ni hanyako Meseki, ani ni zumbako ka matenda a Mkedhari!

Masalmo 120:5 Referans Kwoze

Genesisi 10:2

Vanana va Jafete ngu vava: Gomeri, ni Magoge, ni Madhayi, ni Javhani, ni Tubhali, ni Mexeki, ni Tirasi.

Ezekhiyele 27:13

Javhani, Tubhali, ni Meseki i ti ti vaxavi kwako; mi xaviselani tikhumbi ni siya sa koporo.

Genesisi 25:13

Matina a vanana va Ismayeli, madingano ni tiveleko tawe, ngu awa: Matiwula ngu Nabhayoti, ku txi gameta Kedhari, Adhibheli, ni Mabhisani,

Ndando ya Tindando 1:5

Ani ni wa mtima, kambe ni tshurile, o anu mahorana a Jerusalema, ni fana ni matenda a Mikedhari, ni mijiyo ya nyumbani ka Solomoni.

Mtuletelo 2:13

Na kuziva mu u zumbako kona: Ngu konamo ku ku ni txikhalo txa wukoma txa Sathani. Aniko awe, u ñote ta tinene ditina dangu, nguko khwa lamba likholo langu, hambi ka masiku ya Antipasi, fakazi yangu yo thembeka, a nga dawa hagari kwanu, ahawa Sathani a nga aka kona.

Ezekhiyele 39:1

Awe koko mwanana wa m'thu, profeta kambe u wukela Goge, u txi khawe: Mkoma Txizimu a khene: Wona taku, ani na kuwukela, awe Goge, mkoma ni mthangeli wa Meseki ni Tubhali.

Ezekhiyele 27:21

Arabhiya ni otshe madhota a Kedhari, i ti ti vona manza a wuxavisi wako, ngu tinvuta, ni tihamba, ni vamabhongwe; ka soneso va ti ti xaviselana ni nawe.

Jeremiya 15:10

Dikhombo kwangu, awe mwamwangu! Ngu kutxani u nga ni veleka, ani m'thu wa mazunga ni kuphikiza ka dotshe ditiko kani? Kha ni se txenekisa txilo ngu mhaka ya dibhindu, vathu kha va ni txeneka txilo; hambi keto, votshe va ni ruketete.

Jeremiya 9:6

U akile hagari ka wukanganyisi, ngu mhaka ya wukanganyisi va lamba ku ni ziva, kuwomba Mkoma.

1 Samuwele 25:1

Samuwele a to fa, se votshe vanana va ka Israyeli ve sengeletana ve mu dila, ve mtshotsha m'tini kwakwe, kona Rama. Se msana keto Dhavhidha a to khukha e relela txiwulani ka Parani.