Masalmo 120:4 - Bhiblia Yo Sawuleka

⁴ U na fulwa ngu miseve yo lotwa ya yimbi. Ya kuhiswa ha mndiloni ka makala a mndonga wa msonje.

Masalmo 120:4 Referans Kwoze

Mavingu 19:9

Fakazi ya makuhu kha yi na mbi huluka kutsayiswa; se ni wule a wombawombako makuhu, a na lova.

Mavingu 18:21

Kufa ni kuhanya si mtamoni ka lidimi; se awule a li dhundako a na dya mihando ya lona.

Mavingu 19:5

Fakazi ya makuhu kha yi na mbi va ni ditshuri; ni wule a wombawombako makuhu, kha na mbi huluka.

Mavingu 16:27

M'thu wule i ku diphanga, a xota ta walo, se txisofuni kwakwe ku manekisa ngu nga mndilo wo tura.

Masalmo 45:5

Tingove tako ti lotilwe ta tinene; mabutho a tiyimbi ma khoziswa mikondoni kwako; valala vako va thelwa dikhodho masoni kwako.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Mavingu 12:22

Txisofu txo womba-womba makuhu, njinyenyeko ka Mkoma, aniko avale va tsimbilako ngu kuthembeka va mtsakisa.

Mavingu 11:18

Muonhi a amukela hakhelo ya wukanganyisi, aniko ka wule a phayako wululamo, ku nava ni hakhelo ya yinene.

Mavingu 11:12

Awule a txhipisako mwakelani wakwe mbwo pwata wutxhari, aniko awule a ku ni mapimo o malala.

Mavingu 11:9

Mkanganyisi a haxula mwakelani wakwe ngu txisofu, aniko vo lulama va txhatxhiswa ngu wuzivi wawe.

Masalmo 59:7

Sisofu sawe sa maha likwaha; mapswi awe ma fana ni matxhari o hinda; nguko va kha vona: “I mani a hi engisako kani?”

Masalmo 57:4

Moya wangu wu randetwe ngu tingonyamo, ti ti dyako vathu; makwasa a tona ma fana ni siholoma ni miseve se lidimi la tona li fana ni matxhari o lotwa.

Masalmo 52:5

Ni txona Txizimu txi na kulovisa kala kupinduka. Txona txi na kuñola txi ku huka ha m'tini kwako; txona txi na kuthavisa mu ditikoni ka vohanya.

Masalmo 7:13

txa xungameta tingove ta txona to tura. Txi lulamisile matxhari a txona o daya.

Mavingu 18:8

Mapswi a m'thu wa txibwebwe ma nga sakudya so lombela, si wulelako mndani ka mrumbu.

Jeremiya 9:7

Ngu konaho, kuwomba Mkoma wa Mabutho a Tiyimbi, ni na va nyekisa, ni va xola; nguko ni nga mahisa kutxani ngu m'horana wa vathu vangu kani?