Masalmo 12:5 - Bhiblia Yo Sawuleka

⁵ Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”

Masalmo 12:5 Referans Kwoze

Masalmo 34:6

Ngako txisiwana txi txi dhana Mkoma, ene wa txi xamula, kambe wa txi hulukisa ka sotshe sixaniso.

Mavingu 14:31

Awule a xanisako txisiwana a ruka wule a nga txi vanga, aniko awule a xanisekelako txisiwana wa m'guleta.

Jakobe 5:4

Wonani, male yi mi nga lamba kuholela sithumi si si nga elula tithembweni kwanu ya kwangula, se tihuwa ta vaeluli ti hokile tinzeveni ka Mkoma wa Mabutho.

Isaya 33:10

Konkuwa ni na khukha ni ema, kuwomba Mkoma; “konkuwa ni na khukha ani nipune”; konkuwa ni na guletwa.

Jobe 5:15

Aniko awule wo pwata, txa mtxhatxhisa ngu ditxhari da txisofu, txi mtxhatxhisa manzani ka wule a ku ni mtamo.

Masalmo 10:12

Khukha u txi ema, Mkoma, va tsayise! U nga divale sikulungu!

Jobe 5:21

U na tsivelwa kukwapwa ngu lidimi; kambe khu na mbi dhudhumeliswa ngu txingumula ngako txi txita.

Isaya 19:20

Se txi na maha txikombiso ni wufakazi, ka Mkoma wa Mabutho a Tiyimbi, ditikoni da Egipta, nguko va na dila ka Mkoma ngu mhaka ya vaxanisi, ene a na va rumela Mtiruli ni M'vhikeli, va no va txhatxhisa.

Ezekhiyele 18:18

Tate wakwe, nga kule a nga xanisa, a txi pa somaha sa mwanawe, e maha ti i singako ta tinene hagari ka vathu, wona taku a na fa ngu mhaka ya wubihi wakwe.

Ekleziyaste 5:8

Ngako u txi wona kuxaniswa ka sisiwana sa ditiko dokari da hombe, ni kulwiswa, ka wukhalo wa wulamuli ni wululamo, u nga xamale ngu mhaka yo nga eyo; nguko awule a ku txitimwi ngutu kupinda vale va ku txitimwi, wa khatala ngu tona; kambe ku ni vo guleka ngutu kupinda vona.

Ekleziyaste 4:1

Msana keto, ni to engeta ni wona sotshe sixaniso si si mahekako hahatshi ka ditambo; se ni to wona mirongo ya vale va xaniswako, ni ya vale va pwatako mthaveleli; kambe mtamo wu ti ti ka didhawa da vaxanisi vawe; aniko vona va si nga ni mthaveleli ni wammweyo.

Masalmo 10:18

Lamulela ava vo felwa ngu vaveleki, ni va va xanisekako, ku nga ve ni wammweyo m'thu wa mafu awa, a tshumelako a txi va xanisa.

Masalmo 10:5

Mithumo yakwe ya nyawula txotshe txikhati. Kulamula kwako, Mkoma, ku txitimwi ngutu kwakwe; ene wa poyilela valala vakwe votshe.

Valamuli 10:16

Se va to thavisa sizimu sa vamatiko hagari kwawe, ve thumela Mkoma; sekoko Mkoma a to pandiseka dihikani kwakwe ngu mhaka ya kuxaniseka ka va ka Israyeli.

Eksodha 5:2

Aniko Faro a to khene: “I maniMkoma, wa ku naza ni engisa dipswi dakwe, ni leka va ka Israyeli, ve tsula kani? Kha ni m'zivi Mkoma, kambe kha ni na mbi leka va ka Israyeli ve tsula.”

Masalmo 31:19

Mbwa hombe ngutu wunene wako, Mkoma! Awu u nga wu lulamisela avale va kuthembako; awu u mahelako vona vale va kuthembako, masoni ka votshe.

Masalmo 73:8

Va poyilela va txi womba-womba kubiha, va txi kha vona kwa mbi lulama kuta ngu ka Txizimu.

Mavingu 18:21

Kufa ni kuhanya si mtamoni ka lidimi; se awule a li dhundako a na dya mihando ya lona.

Hoseya 7:16

Vona va wuya, kambe kha va wuyeli Nyatxitimwi. Va ti mahile kufana ni wulaho wo kanganyisa; vathangeli vawe va dawa ngu ditxhari, ngu mhaka ya wulala wa lidimi lawe; atiya ti nava txisekiso ditikoni ka Egipta.