Masalmo 12:1 - Bhiblia Yo Sawuleka

¹ Hi hanyise, Mkoma, nguko vathu vo lulama va gumile kha ku nga ho vathu vo thembeka hagari ka vanana va vathu.

Masalmo 12:1 Referans Kwoze

Jeremiya 5:1

“Horolokelani ka magondo a Jerusalema; mi xolisisa mi wona amuwa sidingeni; ngako mi txi sikota kumana m'thu, hambi ni wammweyo wu a mahako wululamo, ni kuthembeka, ani ni na divalela dotshe didhoropa.”

Isaya 57:1

Wa lova mlulami, se kha ku nga ni wu a alakanyo eto mbiluni kwakwe; Vathu vo thembeka va thaviswa, na ku si nga ni wo ziva ti to mlulami, a tekwa a sanzi kuonha.

Matewu 24:12

Se ngu mhaka ya kutala ka wubihi, lirando la wungi wa vathu li na hola.

Isaya 63:5

Ni wonile ka madhawa otshe, aniko ku si nga ni wa ku ni vhuna; ni to xamala ngu kupwateka ni wammweyo wo ni tsanisa; ngu kumaha keto, diwoko dangu di ni tisete kuhanyisa, ni kuhenya kwangu ku ni tsanisile.

Masalmo 6:1

Mkoma, u nga ni kawuke u di henyile, kambe u nga ni tsayise, u di ni txiviti.

Mavingu 20:6

Hagari ka vathu mmweyo ni mmweyo a pfalisa wunene wakwe; kambe i mani a nga mmanako m'thu wo thembeka kani?

Genesisi 6:12

Txizimu txi woni ti to ditiko di tate ni wubihi, nguko votshe vathu va ti ti londeta nzila ya walo.

Matewu 8:25

Vagondiswa vakwe va to mtshuketela, va txi mu wusa va txi kha vona: Mkoma hi hulukise, ha lova.”

Isaya 1:9

I ti ku Mkoma wa Mabutho a Tiyimbi a sa hi siyela miboti, hi ndi na nga Sodhoma, di fana ni Gomora.

Masalmo 54:1

Ni hanyise, awe Txizimu! Kulisa ditina dako! Komba mtamo wako, u txi ni lamulela!

Masalmo 6:4

Wuya, Mkoma, u ta hulukisa moya wangu; ni hanyise, ngu wumbilu wako.

1 Makronika 15:21

se Matitiya ni Elifelewu, ni Mikineya, ni Obhedhi-Edhomi, ni Jeyeli, ni Azaziya, va ti veta tiharipa, txitimwi ka Seminite, kasi kuvhunetela mpfumawulo.

Masalmo 3:7

Ngono, Mkoma, Txizimu txangu, u ta ni hulukisa, awe u pekako valala vangu mathamani awe u khunulako makwasa a va vakubiha.

Matewu 14:30

Aniko txikhati txi a nga pfa diphuho kuvhukuka, a to telwa ngu dizowa, e khata kubhwabhwamela, e peka huwa, a txi khene: Mkoma ni hulukise!”

Isaya 59:4

Ku walo ni wammweyo a pfalisako kululama, hambi ni wammweyo wo maneka kulamulani ka ditshuri; va themba manyala, ni kutsimbila ve womba-womba makuhu; va khura sirumbu sa mithumo, aniko ve veleka wubihi.