Masalmo 119:97 - Bhiblia Yo Sawuleka

⁹⁷ Mkoma, mlayo wako na wu randa ngutu! Na wu alakanyela otshe masiku.

Masalmo 119:97 Referans Kwoze

Masalmo 1:2

Aniko ene a tsakela Mlayo wa Mkoma a zumba a txi wu alakanya wusiku ni mitshikari.

Mavingu 2:10

Nguko wutxhari wu na wulela mbiluni kwako, ni wuzivi wu na va wa wunene amu ka dihika dako.

Masalmo 119:159

Mkoma, wona ti ni dhundisako tona mithetho yako; ni hanyise, madingano ni lirando lako.

Joxuwa 1:8

Dibhuku diya da mlayo u nga thuke u txi hambana nado; aniko zumba u txi di alakanya wusiku ni mitshikari, kasi ku u txi khutalela kuxayisa totshe ti ti nga bhalwa ka dona, nguko di kumaha u humelela ka totshe tinzila tako, se u tsimbila kha kwati.

Masalmo 119:48

Sirumo sako na si xonipha ni ku si randa; ni na zumba ni txi alakanyela mlayo wako.

Masalmo 119:167

Na xayisa sileleto sako na si dhunda ngu yotshe mbilu.

Masalmo 119:165

Avale va randako mlayo wako va hanya ngu kudikha ka hombe, kuwalo txilo txi va khuvekisako.

Masalmo 119:127

Ngu toneto, na randa ngutu milayo yako, kupinda nzalama ya yinene ngutu.

Dhewuteronome 17:19

ene a na zumba nado, e di gonda ka otshe masiku a kuhanya kwakwe, kasi ku e gonda kuthava Mkoma, Txizimu txakwe, e vekisa otshe mapswi a mlayo wuwa ni sileleto sa kona, a txi si maha.

Masalmo 119:113

Na nyenya vakanganyisi, aniko ni randa mlayo wako.

Mavingu 18:1

Awule a ti vekako kule a xota maalakanyo akwe ekha; ene a lwisa wutxhari wa ditshuri.

Masalmo 119:15

Ni na alakanya sirumo sako, ni txi khatalela tigondo tako.

Masalmo 119:47

Milayo yako ya ni tsakisa ngu toneto na yi randa.