Masalmo 119:96 - Bhiblia Yo Sawuleka

⁹⁶ Ni gondile ti to sotshe si ni magwito, aniko milayo yako yi anamile ngutu.

Masalmo 119:96 Referans Kwoze

Matewu 24:35

Nzuma ni mafu si na pinda, kambe mapswi angu kha ma na mbi pinda.”

Ekleziyaste 2:11

Se ani ni wonisisa yotshe mithumo yile yi nga mahwa ngu manza angu, kumweko ni mthumo wule ni nga wu maha, mbimo yile ni nga ti thuma; se wona taku totshe i ti ti wukanganyisi, ni kuxanisa moya, kambe ku ti si nga ni dibhindu hahatshi ka ditambo.

Matewu 5:18

Nguko kha ditshuri na mi gela ku khani: Ku na za ku txi pinda nzuma ni mafu, na txima ku sa pfhutwa ni m'bhalo wawumwewo hambi ni txisesana txidotho txa Mlayo kala totshe ti txi tatiseka!

Varoma 7:14

Nguko ha tiziva ti to mlayo mbwa Moya; kambe ani ngu mtumbuluko wangu ni m'thu wo xuleka, ni xavisilwe ni mahwa khumbi ya txionho.

Ekleziyaste 12:8

Wukanganyisi wa wukanganyisi, kuwomba M'gondisi, sotshe mbukanganyisi.

2 Samuwele 17:23

Se Ayitofeli a di woni koko, taku txikungo txakwe kha txa londetwa, a to sungelela mbongola yakwe, e khukha e tsula m'tini kwakwe, ka didhoropa dakwe, eya lulamisela nyumbani kwakwe e ti sunga: se efa, e tshotshwa ka dithitha da tate vakwe.

1 Samuwele 17:8

Se Goliya a to ema, e huwelela ka mabutho a Israyeli, a txi khene: Mi humela txani mi di xomile yimbi kani? Ina ani kha ni nga Mufilista, se anu, kha mi nga sithumi sa Sawule kani? Sawulani hagari kwanu wamwamna wu a no relela e ta kwangu.

1 Samuwele 9:2

Wamwamna wuwa a ti ni mwanana wa mfana, ditina dakwe i ti Sawule, mfana wo tshura ngutu, wu hagari ka vanana va ka Israyeli ku nga ti si ngani ni wamwamna wo tshura ngutu kupinda ene, kukhukhela makatani kuya txitimwi a ti pinda votshe vathu.

Matewu 5:28

Aniko ani ni khani kwanu: Awule a wonetelako wamsikati ngu ku mu navela, se a mahile nayo wugango mbiluni kwakwe.

Ekleziyaste 7:20

Ngu ditshuri kha ku na m'thu wo lulama txitimwi ka mafu, wo maha ta tinene, asi dhukiko e onha.

2 Samuwele 18:17

Se va to teka Abhisalome, ve mtshotsha txitingani, amu ka diphala da hombe, ve mkuletela ngu mmumbu wa hombe wa marigwi; kambe votshe va ka Israyeli va to tutuma, mmwani ni mmwani e ti tsulela ditendani kwakwe.

2 Samuwele 18:14

Sekoko Jowabhi a to khene: Kha ni na mbi swela ni nawe hawa. Se a to teka matxhari mararu e thola mbilu ya Abhisalome, a txi ngadi a txi hanya hagari ka mkusu.

2 Samuwele 16:23

Ka masiku ale, mapswi ale ma nga ti wombwa ngu Ayitofeli ma ti fana ni mapswi a Txizimu: Hambi Dhavhidha ni Abhisalome va ti ti themba ka otshe mapswi a Ayitofeli.

2 Samuwele 14:25

Kambe hagari ka votshe va ka Israyeli, ku si ngani wamwamna wo tshura ngutu ni nduma kufana ni Abhisalome; kukhukhela hahatshi ka mkondo kala ha msungo, asi ngani txibawa ni txa tximwetxo.