Masalmo 119:9 - Bhiblia Yo Sawuleka

⁹ Di na sikotisa kutxani dijaha kululamisa nzila ya wutomi wa dona kani? Ngu kuva di txi xayisa sileleto sako!

Masalmo 119:9 Referans Kwoze

2 Timoti 2:22

Vayilela minavelo yo biha ya vavaphya. Tsimbila ngu nzila yo lulama, ya likholo, ya lirando, ya kudikha, kumweko ni vale va khongelako ngu ditina da Mkoma, ngu mbilu yo basa.

Joxuwa 1:7

Tsana, uva ni mtamo, u tsanisa mbilu, kasi ku u txi khutalela kuxayisa yotshe milayo yi Mosi, txithumi txangu, a nga kuleleta; u nga ti hambukise ka yona, u txi ya txinene mwendo txibhabha, kasi ku u na humelela ka yotshe mithumo yako.

Masalmo 25:7

U nga alakanyele sionho sa wujaha wangu, hambi ni sihambunyeto sangu; aniko ni alakanye, Mkoma, ngu konaho ka wunene wako, ni wumbilu wako.

Masalmo 119:11

Ni vekile mbiluni kwangu mahungu ako, kasi ku ni si ku onheli.

Mavingu 1:10

Mwanangu, ngako vaonhi va txi ku kujetela, u nga va tumelele.

Masalmo 34:11

Vanangu, ngonani, mi ta ni engisa: Ni na mi gondisa kuthava Mkoma.

Johani 15:3

Anu mi basisilwe ngu dipswi di ni nga mi gela.

Ekleziyaste 11:9

Awe wamphya, tsakela wuphya wako, kambe mbilu yako yi na tsake ka masiku a wuphya wako, se tsimbila ngu tinzila ta kudhunda ka mbilu yako, ni ti ti tsakisako maso ako; wa tiziva kambe taku, ka sotshe siya Txizimu txi na ku lamula.

Mavingu 4:1

Engisani vanangu, silayelo sa tate wanu, kasi mi na mana kupfisisa wutxhari.

Mavingu 1:4

kasi kuninga wutxhari ka vale vo kelelelwa ngu mapimo, ni kuninga vale vavaphya maalakanyo amanene;

Mavingu 7:7

ni rumarumete hagari ka siphukuphuku, ni tumbute hagari ka vavaphya, dijaha dimwedo do kelelelwa ngu mapimo,

Jobe 1:5

Ku ti ti maheka ti to, ma di pindile masiku ale a mibuso yawe, Jobe a ti ko rumisa ti to, ve sawulekiswa, se e wuka ngu mabimbi-kutxa, e ningela miphaxo, madingano ni mtengo wawe votshe; nguko Jobe a ti ti khene: Va nga nda dhuka va di onhile vanana vangu se ve ruketela Txizimu timbiluni kwawe. Jobe a ti ti mahisa toneto yotshe mbimo.

Luka 15:13

Msana ka masikuanyana madotho, awu wa mnanda a to pakela thundu yakwe, e khukha a txi tsula ka ditiko da kule, a txi ya hangalasela thomba yakwe, ngu kuhanyisa ku ambi ti pimela.

2 Makronika 6:16

Konkuwa koko, awe Mkoma, Txizimu txa Israyeli, maha ka txithumi txako Dhavhidha tate wangu, a ti u nga mthembisa u txi khawe: Kha ku na mbi pwateka dijaha masoni kwangu, a di di no khalahatsha ka txikhalo txa wukoma txa ka Israyeli; aniko vanana vako va na xayise nzila yako, ve tsimbila ka mlayo wangu, nga ti awe u nga tsimbilisa tona masoni kwangu.

Jobe 13:26

Se u bhalela txani timhaka to bava u ni wukela, u ni wuyisela sionho sa wuphyani kwangu kani?

Dhewuteronome 17:18

“Ngako ene a txi maneka a di ha txikhaloni kwakwe ka wukoma, a fanete ku ti bhalela mlayo wuwa amu ka dibhuku, madingano ni ti wu nga bhaliswa tona ka dibhuku da vaphaxeli va ka Levhi.

Masalmo 17:4

Kha na maha kubiha nga ti vathu va mahako; ani ni ti vhikete ka tinzila ta vathu va tshofu, ngu kuxonipha sileleto sako.

Mavingu 2:11

U na vekiswa ngu mialakanyo ya yinene, ni wutxhari wu na kuxayisa;