Masalmo 119:81 - Bhiblia Yo Sawuleka

⁸¹ Moya wangu wa navela ngutu kuhanyiswa ngu ngawe; nguko ani ni themba dipswi dako!

Masalmo 119:81 Referans Kwoze

Masalmo 84:2

Moya wangu wa navela ni kuxuva siluvelo sa Mkoma; yotshe mbilu yangu ya embelela ngu kutsaka ka Txizimu txi txi hanyako!

Masalmo 119:40

Wona ti ni randisako tona milayo yako; ni hanyise, nguko awe u lulamile!

Masalmo 73:26

Hambi ngako mmidi wangu wu txi karala, Txizimu ngu txona txi ningako mtamo mbilu yangu; ngu txona i kuthomba yangu yo mbi guma.

Ndando ya Tindando 5:8

Anu mahorana a Jerusalema, na mi kombela, ti taku ngako mi txi mana txirandwa txangu, txi geleni ti taku nafa ngu lirando.

Masalmo 119:114

Awe ngawe wuthavelo wangu ni txitxhavangu txangu, ani ni themba dipswi dako.

Masalmo 119:77

Ni kombe wumbilu wako se ni na hanya, nguko mlayo wako, wa ni tsakisa.

Masalmo 119:74

Avale va ku dhumisako va na tsaka, ngako va txi ni wona, nguko va na themba dipswi dako.

Masalmo 119:42

Konako ni na sikota kuxamula avale va ni ruketelako, nguko ni themba dipswi dako.

Masalmo 119:20

Moya wangu wa karateka yotshe mbimo, ngu kulava kuziva mithetho yako.

Jobe 19:27

Ni na muwona ani nipune, se maso angu, na i si nga mamwani, ma na muwona; ngu kumaha keto, mbilu yangu ya tshokoma mndani kwangu.

Masalmo 119:41

Mkoma Txizimu, wumbilu wako wu nate kwangu; u txi ni hanyisa madingano ni txithembiso txako.

Masalmo 119:43

Ni ninge kuwomba ditshuri yotshe mbimo, nguko ani ni themba sileleto sako.

Masalmo 130:5

Ni verela Mkoma; Moya wangu wa m'verela, se ni verela dipswi dakwe.