Masalmo 119:59 - Bhiblia Yo Sawuleka

⁵⁹ Ni manekile ni txi pimisela mahanyelo angu, ni tshumete ni londisa milayo yako.

Masalmo 119:59 Referans Kwoze

2 Vakorinto 13:5

Ti xoleni mipune, kufela kuwona ti to mi tsani kukholwani; yanani masoni ngu ku ti xola. Mwendo mo va mi si ti zivi ti to Jesu Kristu waho kwanu kani? Ahanti mwendo mi to koneka.

Ezekhiyele 18:28

Nguko awule a tshumelako e hunduluka ka sotshe sihambunyeto sile a nga si maha, ngu ditshuri a na hanya, kha na mbi fa.

Sidilo 3:40

A hi ti soleleni hi wonisisa tinzila tathu, se hi txi tshumelela ka Mkoma Txizimu.

2 Vakorinto 12:21

Na thava ti to mbimo yi ni no tshumela ni ta kheyo kwanu, Txizimu txi nata ni xowokisa ngu mhaka yanu, se ani ni txi dila ngu mhaka ya vale vavangi, va nga onha kale, va sinziko kuhunduluka ka wubihi, ka wugelegele ni ka manyala ya ti va nga ti maha.

Hagayi 1:7

Mkoma wa Mabutho a Tiyimbi a khene: Vekani timbilu tanu amu ka tinzila tanu.

Hagayi 1:5

Se konkuwa, Mkoma wa Mabutho a Tiyimbi a khene: Vekani timbilu tanu amu ka tinzila tanu.

Ezekhiyele 18:30

Ngu kumaha keto, ani ni na mi lamula, mmweyo ni mmweyo ngu tinzila takwe, awe nyumba ya ka Israyeli, kuwomba Mkoma Txizimu; ngonani, hundulukani ka sotshe sihambunyeto sanu, se wubihi kha wu na mbi mi humba.

Joyeli 2:13

Kambe vharulani timbilu tanu, i si nga syambalo sanu, se hundulukelani ka Mkoma, Txizimu txanu; nguko ene a ni wumbilu, ni kupfela, wa swela kuhenya, mbwa hombe ngu wumbilu, kambe wa tilaya ka wubihi.

Ezekhiyele 33:19

Se ngako m'bihi a txi hunduluka ka wubihi wakwe, a txi maha to lulama ni ta tinene, a na hanyiswa ngu tona eto.

Johani 11:29

A di engisile eto, a to kuluveta kukhukha, e tsula kwakwe.