Masalmo 119:51 - Bhiblia Yo Sawuleka

⁵¹ Vathu vo ti guleta va ni poyilete ngutu; hambi keto kha na hambuka ka mlayo wako.

Masalmo 119:51 Referans Kwoze

Jobe 23:11

Mikondo yangu yi tsani, ka nzila yile txi nga tsimbila ngu yona; ni vekisile nzila ya txona, kambe kha ni na mbi hambuka ka yona.

Jeremiya 20:7

Awe Mkoma, u ni xengile, ni tumete kuxengwa. Awe u ni mtamo ku ni pinda, u ni xute. Ni mahile txisekiso dotshe ditshiku. Votshe va ni poyilela.

Masalmo 119:157

Mba vangi valala vangu ni vaxanisi vangu; aniko ani kha ni hambani ni milayo yako.

Masalmo 44:18

Timbilu tathu kha ta tshumelela msana, hambi mikondo yathu kha ya huma ka ditshuri dako,

Luka 23:35

Dibutho da vathu di ti zumbile kona hale, va txi wonetela, se vathangeli va kona va txi poyilela va txi kha vona: “A ponisile vamwani, a na ti ponise nene apune, ngako i di Mesiya Msawulwa wa Txizimu!”

Isaya 42:4

Kha na mbi pwateka, kambe kha na hambi funywa, kala kuza e veka wululamo ha mafuni. Se sitondolo si na vereka mlayo wakwe.

Isaya 38:3

A txi khene: Awe Mkoma, alakanya, na ku kombela, ti to ni tsimbite ditshurini masoni kwako, ngu kuthembeka, kambe ni mahile to lulama masoni kwako. Se a to dila ngutu Ezekhiya.

Masalmo 119:69

Vathu vo ti kulisa va luka makuhu ve ni lumbeta; aniko ani ni na vekisa sileleto sako ngu yotshe mbilu yangu.

Masalmo 119:31

Mkoma, ni londetile milayo yako; u nga ni leke niwa tinganani!

Masalmo 119:21

Awe wa kawuka avale va ti guletako; avale va ti vangelako dikhombo ngu ku ti hambanisa ni sirumo sako.