Masalmo 119:43 - Bhiblia Yo Sawuleka

⁴³ Ni ninge kuwomba ditshuri yotshe mbimo, nguko ani ni themba sileleto sako.

Masalmo 119:43 Referans Kwoze

Masalmo 9:4

Nguko wa vhikela fanelo yangu ni mhaka yangu, u di khalahatshile ha txikhaloni ka wukoma, u txi lamula ngu kululama.

1 Pedro 2:23

Ene, mbimo yi va nga ti mruketela, kha ruketela nene. Mbimo yi va nga ti m'xanisa, kha va henyela, aniko a to ti ningela ka wule a lamulako ngu kululama.

Vaefesu 1:13

Nananu, ngako mi nga engisa dipswi da ditshuri, i ku Evhangeli ya kuhanyiswa kwanu, ngako mi nga kholwa ka dona dipswi dile, mi bhatwe ngu txixambanyo txa Moya wo Sawuleka, wu nga ti thembisilwe,

Masalmo 119:175

Nihe wutomi, kasiku ni sikota ku kudhumisa, mithetho yako yi na ni vhune.

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

Masalmo 119:52

Mkoma, ni khumbute malamulelo ako a kale se ka ona, ni mani ku ti thavelela.

Masalmo 119:13

Ni na wuyelela kuhuwelela ngu dipswi do pfala yotshe mithetho yi u nga yi womba ngu txisofu txako.

Masalmo 119:120

Mmidi wangu wa dhudhumela ngu dizowa masoni kwako, ngu txithavo txi ni ku natxo ka mithetho yako!

Masalmo 50:16

Aniko ka m'thu wo biha Txizimu txi womba tiya: “Ti kuvhuna txani kuwombetela milayo yangu ni kuhuwelela yotshe mbimo txitumelelano txangu,

Masalmo 43:1

Ni lamulele, Txizimu txangu; u txi ni lwela ka vathu va vo biha, va kwa mbi na wukhongeli! Ni hulukise ka vathu va makuhu, vo kanganyisa.

Masalmo 9:16

Mkoma a ti wonekisile, kambe a lamute; nene m'bihi a bzwetilwe ngu mithumo yakwe yo biha.

Isaya 59:21

Se ani ngu kwangu, atxiya njitumelelano txangu navo, kuwomba Mkoma: Moya wangu, wu ku txitimwi kwako, ni nga wu veka txisofuni kwako, kha wu na mbi huma txisofuni kwako, hambi ngu txisofuni ka vanana vako, mwendo ngu ka txisofu txa vatukulu vako, kuwomba Mkoma, kukhukhela konkuwa kala kupinduka.

Masalmo 119:74

Avale va ku dhumisako va na tsaka, ngako va txi ni wona, nguko va na themba dipswi dako.

Masalmo 119:81

Moya wangu wa navela ngutu kuhanyiswa ngu ngawe; nguko ani ni themba dipswi dako!

Masalmo 119:114

Awe ngawe wuthavelo wangu ni txitxhavangu txangu, ani ni themba dipswi dako.

Masalmo 119:147

Wu sinzi kuhuma wuronga, na vindukela ni txi kudhana, ni themba mapswi ako.