Masalmo 119:4 - Bhiblia Yo Sawuleka

⁴ Mkoma, awe u hi ningile milayo yako, u txi hi gela ti to hi yi xayisa ngu yotshe mbilu.

Masalmo 119:4 Referans Kwoze

1 Johani 5:3

Nguko kuranda Txizimu ti womba kuveketa milayo ya txona; kambe milayo ya txona kha yi nemeli.

Johani 14:21

Awule a nga amukela milayo yangu a txi yi veketa, eyo ngene a ni randako; se awule a ni randako, a na randwa ngu Tate wangu. Se nani ni na mu randa, kambe ni na ti wonekisa kwakwe.”

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Jeremiya 7:23

Aniko, ati ni nga va laya, ngu ti taku: Engisani dipswi dangu, sekoko ni na va Txizimu txanu, anu mi na va vathu vangu; tsimbilani ngu tinzila ti ni nga mi laya ngu tona, kasi ku mi na zumbiseka kwati.

Johani 14:15

“Ngako mi txi ni randa, mi na veketa milayo yangu.

Dhewuteronome 12:32

U na xayisa totshe ti ni no kuruma; u nga engetele txilo, hambi kuhungula.

Joxuwa 1:7

Tsana, uva ni mtamo, u tsanisa mbilu, kasi ku u txi khutalela kuxayisa yotshe milayo yi Mosi, txithumi txangu, a nga kuleleta; u nga ti hambukise ka yona, u txi ya txinene mwendo txibhabha, kasi ku u na humelela ka yotshe mithumo yako.

Dhewuteronome 30:16

ngako u txi vekisa sirumo sa Mkoma, Txizimu txako, asi nyamsi ni ku leletako, u txi randa Mkoma, Txizimu txako, u tsimbila ngu tinzila takwe, ni kuxayisa sirumo sakwe, ni milayo yakwe, ni sileleto sakwe, u na hanya, kambe u na anda. Mkoma, Txizimu txako, a na ku katekisa, ka ditiko di u wulelako ka dona, kasi kuya di teka.

Dhewuteronome 11:22

Nguko ngako mi txi vekisa kwati sotshe sirumo si nyamsi ni mi leletako, mi si londeta, mi txi randa Mkoma, Txizimu txanu, mi tsimbila ngu totshe tinzila takwe, na mi txi ti ningetetela kwakwe,

Dhewuteronome 6:17

Mi na vekisa ta tinene sirumo sa Mkoma, Txizimu txanu, kumweko ni wufakazi ni mithetho, ayi ene a nga mi leleta.

Dhewuteronome 4:1

Konkuwa koko awe Israyeli, engisa milayo ni sileleto si ani nyamsi ni mi godisako, kasi ku mi si vekisa, mi mana kuhanya, mi txi wulela, mi fuma ditiko di Mkoma, Txizimu txa vatate vanu, a no mi ninga.

Dhewuteronome 11:13

Se ku na maheka taku, ngako ngu ditshuri mi txi vekisa sirumo siya nyamsi ni mi leletako, mi txi randa Mkoma, Txizimu txanu, ni ku mkhozela, ngu yotshe mbilu yanu, ni wotshe moya wanu,

Dhewuteronome 4:9

Kambe ti wonele, awe upune, u txi xayisa ngutu moya wako, kasi u si divali tosthe ti maso ako ma nga ti wona, ti si thuki ti huma mbiluni kwako, ni ka dihi ditshiku da kotshe kuhanya kwako. Ti gondise ka vanana vako ni ka vatukulu vako.

Eksodha 7:6

Sekoko Mosi ni Aroni va mahile nga ti Mkoma a nga va rumisa tona.

Dhewuteronome 6:3

Ngu toneto, awe Israyeli, engisa u txi khutalela kuvekisa milayo yiya, u na mana kukateka, kambe u na anda ngutu, ka ditiko di di khulungako masi ni wulombe, nga ti a nga kugela Mkoma, Txizimu txa vatate vako.

Ezra 7:21

“Kambe ani nipune, mfumeli Aritasasta, na ruma ka votshe vaxayisi va tithomba va ku mtxhatuko ka mnambo taku, ni tihi tile a no mi kombela mphaxeli Ezra, mabhalani wa Mlayo wa Txizimu txa nzumani, ti na mahwe ngu kukuluveta.”

Ezekhiyele 20:19

Ani ngani Mkoma, Txizimu txanu; tsimbilani ngu sileleto sangu, niku, xayisani milayo yangu, kambe ti maheni.