Masalmo 119:3 - Bhiblia Yo Sawuleka

³ Ava va si mahiko kubiha, va tsimbilako tinzilani ka Mkoma.

Masalmo 119:3 Referans Kwoze

1 Johani 5:18

Ha tiziva ti to votshe va va nga velekwa ngu Txizimu, kha va hanyeli kuonha, nguko Mwanana wa Txizimu wa va veketa, se m'bihi kha na ku va gwesa.

1 Johani 3:9

Votshe va va nga velekwa ngu Txizimu, kha va mahi txionho, nguko mbewu ya Txizimu yi mite kwawe. Vona kha va na kuonha, nguko va velekilwe ngu Txizimu.

Jobe 36:11

Se va txi engisa Txizimu ni ku txi thumela, va na heta masiku awe kha kwati, ni malembe awe amu kutshambani.

Jeremiya 7:23

Aniko, ati ni nga va laya, ngu ti taku: Engisani dipswi dangu, sekoko ni na va Txizimu txanu, anu mi na va vathu vangu; tsimbilani ngu tinzila ti ni nga mi laya ngu tona, kasi ku mi na zumbiseka kwati.

Ezekhiyele 18:17

asi nemetiseliko mxaniseki ngu dianza dakwe, asi amukeliko somaha ngu kupindeletisa, a txi londeta wululamo wangu, ni kutsimbila ngu sileleto sangu, eyo kha na mbi fa ngu mhaka ya wubihi wa tate wakwe; ngu ditshuri a na hanya.