Masalmo 119:25 - Bhiblia Yo Sawuleka

²⁵ Ni gumile mtamo, ni txi wa hahatshi; wusa kambe mtamo wangu, madingano ni txithembiso txako.

Masalmo 119:25 Referans Kwoze

Masalmo 119:159

Mkoma, wona ti ni dhundisako tona mithetho yako; ni hanyise, madingano ni lirando lako.

Masalmo 71:20

Awe u nga ni maha ni wona wubihi wawungi ni sixaniso, u na ni ninga kambe wutomi u na ni humisa diphalani ko hokoma ka mafu.

Masalmo 143:11

Ni hanyise awe Mkoma, ngu mhaka ya ditina dako! Humisa moya wangu xomuloni, ngu mhaka ya kululama kwako!

Masalmo 44:25

Nguko dihika dathu di wite hahatshi, ni mimidi yathu yi dombekile kala kugwesa mafu.

Vakolosa 3:2

Alakanyani simaha si i ku sa txitimwi, i si nga asi i ku sa ha mafuni,

Masalmo 119:156

Wunene wako mbwa hombe, Mkoma; ni hanyise, madingano ni sithembiso sako.

Masalmo 119:93

Kha ni na mbi dhuka ni divala sileleto sako, ina, nguko u ni hanyisile ngu sona.

Masalmo 119:88

Ni hanyise ngu wumbilu wako, se ni na vekisa milayo yi u ni gelako.

Masalmo 119:40

Wona ti ni randisako tona milayo yako; ni hanyise, nguko awe u lulamile!

Masalmo 119:37

Vhikela maso angu ti to ma si woni wukanganyisi, se ni wuse ni tsimbila ngu nzila yako.

Masalmo 80:18

Kha hi na mbi ngadi hi hambana ni nawe. Hi hanyise, kasiku hi na dhumisa ditina dako!

Dhewuteronome 30:6

Mkoma, Txizimu txako, a na kulisa mbilu yako ngu wukwera ni mbilu ya liveleko lako, kasi ku u txi sikota kuranda Mkoma, Txizimu txako, ngu yotshe mbilu yako, ni wotshe moya wako, kasi ku u na mana kuhanya.

Vafilipiya 3:19

Magwito awe ngu kulova, nguko Txizimu txawe ngu mrumbu wawe. Va ti kukumukisa ngu sile si va thelako tingana, va khutalela tithomba ta mafu dwe.

Masalmo 119:149

Engisa, Mkoma, dipswi dangu, ngu wumbilu wako; ni hanyise, madingano ni txithembiso txako.

Masalmo 119:107

Mkoma, ni ha kupandisekani ka hombe; ni hanyise kota kuthembisa kwako!

Isaya 65:25

Dixolwa ni txinvutana si nadya kumweko, se ngonyamo yi na dya mwasi kufana ni homu; se lithulu li na maha sakudya sa mnyoka. Kha si na mbi maha wubihi mwendo kuonha txokari ka wotshe mmango wangu wo sawuleka, kuwomba Mkoma.

Masalmo 22:15

Mkolo wangu wu omile kufana ni mraka wo hiswa ni lidimi langu li namarete mkanani kwangu. Awe u ni lekile hafuhi ka diphala.

Matewu 16:23

Aniko ene a to tshembereka a txi khene ka Pedro: “Khukha hawa, Sathaniwe! Awe u txikhuvekiso kwangu, nguko khu pimisi ta Txizimu, kambe u pimisa ta vathu, dwe.”

Masalmo 44:26

Khukha u txi ta hi vhuna; hi xangute ngu kurando ka wumbilu wako.