Masalmo 119:2 - Bhiblia Yo Sawuleka

² Va katekile avale va xayisako sileleto sakwe, va mlavako ngu yotshe mbilu,

Masalmo 119:2 Referans Kwoze

Jeremiya 29:13

Mi na ni lava, mi na ni mana ngako mi txi ni lava ngu mbilu yanu yotshe.

Masalmo 119:10

Ani na ti lava ku kuthumela ngu yotshe mbilu; u nga ni leke ni txi hambana ni sirumo sako.

Dhewuteronome 4:29

Sekoko kukhukhela koneyo, u na lava Mkoma, Txizimu txako, se u na ya mmana, ngako u txi mlava, ngu yotshe mbilu yako ni wotshe moya wako.

Johani 14:23

Jesu a to mu xamula, a txi khene: “Ngako m'thu a txi ni randa, a na vekisa dipswi dangu. Tate wangu a na mu randa, se hi nata kwakwe, hi ta maha wugovelo wathu.

Masalmo 25:10

Totshe tinzila ta Mkoma ndo kateka ni ditshuri, ka vale va vekisako txitumelelano txakwe ni sirumo sakwe.

Ezekhiyele 36:27

Kambe ni na thela moya wangu mndani kwanu, ni na maha ti to mi tsimbila ngu sileleto sangu, mi txi vekisa wululamo wangu, ni ku wu londeta.

Mavingu 23:26

Mwanangu, nihe mbilu yako, kambe maso ako ma na wonisise tinzila tangu.

Dhewuteronome 6:17

Mi na vekisa ta tinene sirumo sa Mkoma, Txizimu txanu, kumweko ni wufakazi ni mithetho, ayi ene a nga mi leleta.

2 Makronika 31:21

Ka wotshe mthumo wu a nga wu khata wa Nyumba ya Txizimu, ni wa mlayo, wa sileleto, kasi ku a txi lava Txizimu txakwe ngu mbilu yakwe yotshe, a to kateka.

1 Vafumeli 2:3

Vekisa sileleto sa Mkoma, Txizimu txako, u tsimbila ngu tinzila takwe, ni kuva u txi na vekisa milayo yakwe, ni sirumo sakwe, ni wululamo wakwe, nga kuwa ku nga bhalwa Mlayoni ka Mosi, kasi u txi na humelela ka ni tihi ti u no maha, ni hayi ha u no rendekela kona.

1 Johani 3:20

Ngako yona mbilu yathu yi txi hi mangala, Txizimu nja hombe kupinda timbilu tathu, kambe Txizimu txa ziva totshe.

Masalmo 105:45

kasiku ve vekisa milayo ya txona ni kuxonipha sileleto sa txona. Dhumisani Mkoma!

Dhewuteronome 6:5

Ngu toneto, u na randa Mkoma, Txizimu txako, ngu yotshe mbilu yako, ngu wotshe moya wako, ni wotshe mtamo wako.

Masalmo 119:22

Ni ponise ka siruko sawe ni sinyenyo sawe, nguko na xayisa sileleto sako.

Masalmo 119:146

Na kukombela, ni hanyise, kasiku ni na xayisa sileleto sako.

1 Makronika 22:19

Konkuwa koko, lavani Mkoma, Txizimu txanu ngu mbilu yanu ni mhefemulo wanu; khukhani mi aka wusawuleko wa Mkoma Txizimu, kasi ku dibhokiso da txitumelelano txa Mkoma, ni siya so sawuleka sa Txizimu, si na tiswa ka nyumba yiya, yi yi no akwa ngu ditina da Mkoma.

Masalmo 119:17

Ninga txithumi txako wutomi wawungi se ani ni na vekisa mithetho yako.

Masalmo 119:33

Mkoma, ni gondise kuziva nzila ya sileleto sako; kasiku ni na si xayisa kala magwito.

Masalmo 119:34

Ni ninge mapimo, kasiku ni xayisa mlayo wako; ni na wu vekisa ngu yotshe mbilu yangu.

Masalmo 119:57

Awe Mkoma, ngawe u kuthomba yangu ani ni xambanya kuvekisa mithetho yako.

Masalmo 119:69

Vathu vo ti kulisa va luka makuhu ve ni lumbeta; aniko ani ni na vekisa sileleto sako ngu yotshe mbilu yangu.

Masalmo 119:88

Ni hanyise ngu wumbilu wako, se ni na vekisa milayo yi u ni gelako.

Masalmo 119:101

Ni hambukile ka totshe tinzila to biha, kasiku ni xayisa mithetho yako.

Masalmo 119:115

Tsulani kule anu vabihi, kasi ni na xayisa sirumo sa Txizimu txangu!