Masalmo 119:19 - Bhiblia Yo Sawuleka

¹⁹ Ani ni mpindi ka diya ditiko; u nga ni sisele sirumo sako.

Masalmo 119:19 Referans Kwoze

1 Makronika 29:15

Nguko hi valuveli masoni kwako, hi vapfumba kufana ni vatate vathu; masiku athu ha mafuni ma fana ni mtsudi, kha ku nga ni yimwani themba.

Masalmo 39:12

Mkoma, engisa mkombelo wangu, riya nzeve u txi engisa miketo yangu! U nga ti hunde, ngako u txi pfa kudila kwangu. Masoni kwako ani ni nyamtangumo, ni mpindi kufana ni votshe vakale vangu.

Masalmo 119:10

Ani na ti lava ku kuthumela ngu yotshe mbilu; u nga ni leke ni txi hambana ni sirumo sako.

Luka 24:45

Sekoko a to va tula mapimo awe, kasiku ve mana kupfisisa Mibhalo;

1 Pedro 2:11

Na mi kombela, vo randeka ngutu, nga vaendi ni valuveli ditikoni muwa, mi leka kutiningetetela ka minavelo ya mmidi, ayi yilwako ni moya yotshe mbimo.

2 Vakorinto 5:6

Ngu toneto, athu hi ni kuthemba yotshe mbimo. Ha tiziva ti to yotshe mbimo yi hi hanyako wutomi wa mmidi, hi maneka hi di kule ni Mkoma.

Isaya 63:17

Ngu kutxani, awe Mkoma u hi mahako hi hambuka ka tinzila tako kani? U bangisela txani timbilu tathu kuva hi si ku thavi kani? Wuyisa tihunzu ta thomba yako, ngu kuranda sithumi sako.

Genesisi 47:9

Jakobe a to xamula ka Faro, a txi khene: “Malembe a ku pepeseka kwangu ha mafuni, 130 wa malembe awa, ona madotho, aniko ma tate ngu sixaniso, kha ninzi kuhoka ka mtengo wa malembe awa vatate vangu va nga hanya ha mafuni.”

Luka 9:45

Kambe vona kha va ma manisisa mapswi awa: Ma ti sisate kwawe; se ve thava ni ku mu wotisa ati ma txhamuselako tona.

Jobe 39:17

Nguko Txizimu txi yi toni wutxhari, kambe kha txa yi ninga mapimo.

Masalmo 39:13

U nga ni ronokele kasiku ni mana kupepa, di sinzi kuhoka ditshiku da kufa, ni txi rura ha mafuni.