Masalmo 119:163 - Bhiblia Yo Sawuleka

¹⁶³ Na nyenya makuhu, kha ni ma lavi, aniko ni randa mlayo wako.

Masalmo 119:163 Referans Kwoze

Masalmo 119:128

Ngu toneto, na dhunda sileleto sako na nyenya totshe tinzila ta makuhu.

Varoma 12:9

Lirando li nga ve ni kuxengetela, vengani to biha, mi txi namarela ka ti i ku ta tinene.

Amosi 5:15

Vengani wubihi, mi randa wunene, vekani wululamo ha banza kutilava Mkoma, Txizimu txa Mabutho a Tiyimbi, txi na pfela wusiwana masalelwa ya Josefa.

Masalmo 119:29

Ni hambukise ka tinzila ta makuhu u txi ni vhuna kuhanya ngu mlayo wako.

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

Vaefesu 4:25

Ngu konaho, lekani makuhu mi txi womba ditshuri mmwani ni mmwani ka mkwawe, nguko hotshethu hi sihango sa mmidi wumwewo.

Mavingu 30:8

Vayilelisa wukanganyisi kwangu, ni mapswi a makuhu; u nga ni ninge hambi wusiwana mwendo tithomba; ni ninge sakudya sa ku ni enelela.

Masalmo 119:113

Na nyenya vakanganyisi, aniko ni randa mlayo wako.

Masalmo 101:7

Nyumbani kwangu kha ku na mbi zumba vakanganyisi; kha ni lavi va makuhu masoni kwangu!

Masalmo 119:47

Milayo yako ya ni tsakisa ngu toneto na yi randa.

Masalmo 119:104

Ngu sileleto sako ni gondile kupima; ngu kota yeto, na nyenya totshe tinzila ta makuhu.

Mavingu 13:5

M'thu wo lulama wa venga mapswi a makuhu, aniko muonhi wa nyenyeka, kambe wa ti kanganyisa.