Masalmo 119:142 - Bhiblia Yo Sawuleka

¹⁴² Kululama kwako kha ku na magwito ni mlayo wako, mbwa ditshuri yotshe mbimo.

Masalmo 119:142 Referans Kwoze

Johani 17:17

Va sawulekise ngu ditshuri. Dipswi dako ngu dona ditshuri.

Masalmo 19:9

Kuthava Mkoma ngunene; ka simama yotshe mbimo. Kulamula ka Mkoma nga ditshuri kambe ku lulamile yotshe mbimo.

Masalmo 119:151

Aniko awe, Mkoma, u hafuhi; sotshe sirumo sako nza ditshuri.

Isaya 51:8

Nguko sumba yi na va sakata nga syambalo, kambe va na dyiwa ngu timbungu kufana ni matoya; aniko kululama kwangu ku na zumba kala kupinduka, ni kuhanyisa kwangu ka liveleko ni liveleko.

Isaya 51:6

Guletani maso mi wona nzumani, mi wona ni mafu hahatshi, nguko nzuma yi na mwalala nga wutshi, ni mafu ma na sakala nga txyambalo, ni va va zumabako ka ona va na fisa ku nga titshuna; aniko kuhanyisa kwangu ku na zumba kala kupinduka, ni kululama kwangu kha ku na mbi funywa.

Vaefesu 4:21

nguko timhaka takwe mi ti engisile, se akuwa mi ku vathu vakwe Jesu, mi gondisilwe ditshuri di di ku kwakwe,

Masalmo 119:144

Sileleto sako nzo lulama yotshe mbimo; ni he mapimo ni na hanya.

Masalmo 36:6

Kululama kwako nga hombe kufana ni mimango; mithetho yako yi etile kufana ni linene. Awe, Mkoma, wa xayisa vathu ni sihari.

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Masalmo 119:160

Mapswi ako ma tsaniswa ngu ditshuri; mithetho yotshe ya kululama kwako, ya simama kala kupinduka.