Masalmo 119:141 - Bhiblia Yo Sawuleka

¹⁴¹ Ni m'dotho, kambe va ni kanyisa, aniko kha ni divali milayo yako.

Masalmo 119:141 Referans Kwoze

Masalmo 22:6

Aniko ani ni mbungu, kha ni nga m'thu, ni txisekiso masoni ka vathu, na eyiswa ngu ditiko.

2 Vakorinto 8:9

Ma wu ziva wunene wa Mkoma wathu Jesu Kristu. Ene hambiko i ku nyamne wa sotshe, a ti mahile txisiwana, kasiku anu mi txi mana sotshe ngu mhaka ya wusiwana wakwe.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Luka 9:58

Jesu a to mu xamula a txi khene “Vanyapwe va na ni mibhala, sinyana ni sona si na ni sisaka; aniko Mwanana wa M'thu kha nga ni ko khigetela kona msungo.”

Luka 6:20

Jesu a to gula maso a txi wona vagondiswa vakwe, a txi khene: “Mi katekile anu sisiwana, nguko Mfumo wa nzumani mbwanu.

Mavingu 16:8

I txhuko kuva ni sa sidotho ni wululamo, kupinda kuva funyela so tala ku si nga ni wululamo.

Mavingu 15:16

I txhuko kuva ni sa sidotho u txi thava Mkoma, kupinda kuva ni thomba ya hombe, na ku si nga ni kuthutha.

Mavingu 3:1

Mwanangu, u nga divale kulaya kwangu, kambe mbilu yako yi na vekete milayo yangu.

Masalmo 119:109

Wutomi wangu wu ha phangoni yotshe mbimo, aniko kha ni divali mlayo wako.

Masalmo 40:17

Mkoma, ni xayise, ani ni ku txikulungu txo mpwata-ni-wangu! Awe ngawe m'vhuni wangu ni m'hulukisi wangu; u nga swele, Txizimu txangu!

Isaya 53:3

A ti ti txhipiswa, kambe i ti ti wo nyenywa ngutu hagari ka vathu, m'thu wa mipando, wo ziva ngutu kuthuma, awule vathu va nga txi ti fenengeta tikhohe, a ti ti txhipiswa, kambe kha ha khatala ngu tona ni ka kudotho.

Mavingu 19:1

Txisiwana txi txi tsimbilako ka ditshuri da txona txi txhuko, kupinda txiphukuphuku txa txisofu txo tseketsela.

Masalmo 119:176

Ni pepesekile kufana ni nvuta yo mwalala; tsimbita txithumi txiya txako, nguko ani kha na divala sirumo sako.

Masalmo 119:16

Ni na tsaka ngu milayo yako; kha ni na mbi divala mithetho yako.